मनकामना स्मार्ट लघुवित्तद्वारा १७% लाभांश प्रस्ताव

मनकामना स्मार्ट लघुवित्त वित्तीय संस्था लिमिटेडले गत आर्थिक वर्ष २०७७/७८ को मुनाफाबाट १७ प्रतिशत बोनस शेयर वितरणको प्रस्ताव गरेको छ ।

कम्पनीको कात्तिक १६ गते बिहान बसेको सञ्चालक समितिको बैठकले हाल कायम चुक्तापूँजी रू. १२ करोड ११ लाख ५० हजारको आधारमा उक्त बोनस शेयर वितरणको प्रस्ताव गरेको हो । यस वर्ष कम्पनीको बोनस शेयरमा लाग्ने कर भने छूट हुनेछ ।

साविक मनकामना लघुवित्त वित्तीय संस्था र साविक स्मार्ट लघुवित्त वित्तीय संस्थाविच मर्जर प्रक्रिया सम्पन्न भई २०७७ साल साउन ११ गतेदेखि एकीकृत कारोबार गरेकाले यस वर्ष लाभांश करमा छूटको व्यवस्था हुनेछ ।

प्रस्तावित लाभांश नेपाल राष्ट्र बैंकको स्वीकृति पश्चात कम्पनीको आगामी साधारण सभाले पारित गरेपछि वितरण हुनेछ ।