१६ आश्विन २०७९, आईतवार
October 2, 2022, Sunday

राजधानीमा नेपाल युवा उद्यमशीलता सम्मेलन २०१९ आयोजना हुदै

राजधानीमा नेपाल युवा उद्यमशीलता सम्मेलन २०१९ आयोजना हुदै

अन्र्तराष्ट्रिय युवा दिवस अगष्ट १२ को अवसर पारेर प्रदेश नम्बर ३ सरकारको उद्योग, पर्यटन, बन तथा वातावरण मन्त्रालय, राष्ट्रिय युवा परिषद् र विशाल मिडिया ग्रुपको आयोजना र आईएमई फाउण्डेशन सह–आयोजना रहने गरी यहि साउन २७ र २८ गते राजधानीमा नेपाल युवा उद्यमशीलता सम्मेलन २०१९ आयोजना गरिने भएको छ ।

उद्यमशीलता र नवप्रवद्र्धनका लागी शिक्षामा रुपान्तरण भन्ने मुल नाराका साथ यस बर्षको युवा उद्यमशीलता सम्मेलनमा देशभरीका ५०० युवा उद्यमीहरु सहभागी हुने भएका छन् । आज काठमाण्डौमा गरिएको पत्रकार सम्मेलनमा प्रदेश नम्वर ३ सरकारका उद्योग, पर्यटन, बन तथा वातावरण मन्त्री मा. अरुण नेपालले उद्यमी बन्नका लागि सीप, दक्षता, आत्मबिश्वास, पुँजी र लागानीको वातावरण चाहिने बताउदै यो युवा उद्यमशीलता सम्मेलनले उद्यमशीलताको उपयुक्त अवसर निर्माणमा पहल गर्ने बताउनु भयो । सोही समारोहमा राष्ट्रिय युवा परिषद्का कार्यकारी उपाध्यक्ष माधव ढुङ्गेलले अन्तराष्ट्रिय युवा दिवसको अवसरमा आयोजना हुने युवा उद्यमशीलता सम्मेलन २०१९ उद्यम गर्न चाहाने नेपाली युवाहरुका लागि निकै महत्वपूर्ण प्लेटफर्म भएको बताउनुभयो । त्यसै गरी सम्मेलन मुल आयोजक समितिका संयोजक विशाल गैरेले प्रादेशिक संरचनाभित्र युवन उद्यमशीलताको सम्भावना, अवसर र चुनौतिबारे बहस गरी निति निर्मातालाई सचेत गराउने, युवा उद्यमीहरुका सफलताका कथाहरु आदनप्रदान गर्ने देशभरको उद्यमी बन्न चाहने युवालाई उत्प्रेरणा दिने दृष्टिकोणले यो सम्मेलन सफल रहने विश्वास व्यक्त गर्नुभयो ।

उक्त सम्मेलनको समुद्घाटन सम्माननीय प्रधानमन्त्री के.पी. शर्मा ओलीले गर्नुहुने भएको छ भने सम्मेलनको समापन सम्बोधन नेपाल कम्युनिष्ट पार्टीका अध्यक्ष एवं पुर्व प्रधानमन्त्री पुष्पकमल दहाल प्रचण्डले गर्नु हुने भएको छ । साथै सम्मेलनमा पुर्व प्रधामन्त्री माधव कुमार नेपाल, अर्थमन्त्री युवराज खतिवडा, युवा तथा खेलकुद मन्त्री जगत् विश्वकर्मा तथा बरिष्ठ उद्यमीहरु सम्मीलीत हुने जानकारी गराइएको थियो ।

Related News

काठमाण्डौ क्षेत्र नं ३ वाट शुशिला पौडेल र महेश्वर फुयल सिफारिस
काठमाण्डौ क्षेत्र नं ३ वाट शुशिला पौडेल र महेश्वर फुयल सिफारिस
  • २० श्रावण २०७६, सोमबार

नेकपा माओवादी केन्द्रले काठमाण्डौ जिल्ला समन्वय समितिले आगामी मंसिर ४ गते हुने प्रतिनिधि सभा सदस्य निर्वाचनको लागि काठमाण्डौ क्षेत्र नं...

बागमती र गण्डकीका केही स्थानमा बिहानैदेखि वर्षा
बागमती र गण्डकीका केही स्थानमा बिहानैदेखि वर्षा
  • २० श्रावण २०७६, सोमबार

हाल बागमती प्रदेश र गण्डकी प्रदेशका एक-दुई स्थानमा मेघ गर्जन/चट्याङसहित हल्का वर्षा भइरहेको छ। जल तथा मौसम विज्ञान विभागका अनुसार...

नेपालीले बजाउँछन् एक वर्षमा २६ करोडको बाद्ययन्त्र
नेपालीले बजाउँछन् एक वर्षमा २६ करोडको बाद्ययन्त्र
  • २० श्रावण २०७६, सोमबार

नेपालले एक वर्षमा करिव २६ करोड रुपैयाँका विभिन्न बाद्ययन्त्रहरु आयात गर्ने गरेको पाइएको छ । नेपालले गत आर्थिक वर्ष २०७८/७९...

TOP