१० चैत्र २०७९, शुक्रबार
March 24, 2023, Friday

भारतमा थपिए करीब सात हजार नयाँ संक्रमित

भारतमा थपिए करीब सात हजार नयाँ संक्रमित

भारतमा गत २४ घण्टामा करीब सात हजार जनामा कोरोना संक्रमण देखापरेको छ ।

सरकारी अधिकारीहरुले सोही अवधिमा थप २४७ जनाको कोरोनाका कारण मृत्यु भएको पनि जानकारी दिएका छन् । केन्द्रीय स्वास्थ्य मन्त्रालयका अनुसार नयाँ संक्रमित मध्ये तीन हजार ३७७ जना केरला राज्यका मात्रै रहेका छन् । सो राज्यमा पछिल्लो २४ घण्टामा २८ जनाको कोरोनाका कारण मृत्यु भएको छ ।

भारतमा अहिले संक्रमित अवस्थामै रहेका संक्रमितहरुको संख्या ८७ हजार ५६२ रहेको छ । ‘अहिले संक्रमित अवस्थामै रहेकाहरुको संख्या कुल संक्रमितहरुको संख्याको शून्य दशमलव २५ प्रतिशत मात्रै रहेको छ,’ मन्त्रालयले भनेको छ । यो संख्या सन् २०२० को मार्च पछिकै सबैभन्दा कम रहेको अधिकारीहरुले जानकारी दिएका छन् ।

त्यसैगरी संक्रमणमुक्त भएकाहरुको संख्या भने ९८ दशमलव ३८ प्रतिशत पुगेको पनि मन्त्रालयले जानकारी दिएको छ । यो संख्या पनि सन् २०२० को मार्च पछिकै सबैभन्दा धेरै भएको अधिकारीहरुको भनाइ छ । पछिल्लो २४ घण्टामा आठ हजार १६८ जना कोरोना भाइरसबाट संक्रमणमुक्त भएका छन् । अहिलेसम्म कुल संक्रमणमुक्त भएकाहरुको संख्या तीन करोड ४१ लाख ४६ हजार ९३१ रहेको छ ।

नयाँ संक्रमितको संख्या भन्दा संक्रमणमुक्त भएकाहरुको संख्या धेरै भएकाले सक्रिय संक्रमितहरुको संख्या कम हुँदै गएको छ । रासस/एएनआई

Related News

शिक्षामा उत्कृष्ट परियोजनाको अनुसन्धान र विकासमा आइपिडिएफले पहल गर्ने
शिक्षामा उत्कृष्ट परियोजनाको अनुसन्धान र विकासमा आइपिडिएफले पहल गर्ने
  • २९ मंसिर २०७८, बुधबार

इन्टरनेसनल प्रोजेक्ट डेभेलपमेन्ट फोरम, आइपिडिएको प्रथम बार्षिक उत्सव तथा विशिष्ट ब्यक्तित्व सम्मान कार्यक्रमको अवसरमा स्वागत मन्तब्य दिनुहुदै संस्थाका उपाध्यक्ष भवानी...

नेपालीले बजाउँछन् एक वर्षमा २६ करोडको बाद्ययन्त्र
नेपालीले बजाउँछन् एक वर्षमा २६ करोडको बाद्ययन्त्र
  • २९ मंसिर २०७८, बुधबार

नेपालले एक वर्षमा करिव २६ करोड रुपैयाँका विभिन्न बाद्ययन्त्रहरु आयात गर्ने गरेको पाइएको छ । नेपालले गत आर्थिक वर्ष २०७८/७९...

खडेरीले खेती सुकेपछि किसान चिन्तित
खडेरीले खेती सुकेपछि किसान चिन्तित
  • २९ मंसिर २०७८, बुधबार

पछिल्लो करिब एक महिना देखी परेको खडेरीले धान रोपेका खेत चिराचिरा परेर फुट्न थाले पछि पश्चिम नवलपरासीका किसानहरु चिन्तित बनेका...

TOP