नयाँ प्याकमा खुकुरी रम

काठमाडौं (कास)- द नेपाल डिस्टिलरिजले आफ्नो उत्पादन खुकुरी रमको नयाँ प्याक (प्याकेजिङ) सार्वजनिक गरेको छ । राजधानीमा शुक्रबार आयोजित एक समारोहबीच कम्पनीले उक्त प्याक सार्वजनिक गरेको हो । खुकुरी रमको पछिल्लो प्याकेजिङ परिवर्तन गरी लन्डनको एक कम्पनीबाट गरिएको नयाँ डिजाइनसहितको प्याक सार्वजनिक गरिएको डिस्टिलरिजले जानकारी दिएको छ । कम्पनीले स्थापनाको ६२ औं वर्षका अवसरमा आफ्नो प्याकेजिङ परिवर्तन गरी आकर्षक तथा वातावरणमैत्री प्याक बजारमा ल्याइएको बताएको छ । आफ्नो प्याक परिवर्तन गर्नुअघि र पछि ग्राहकमाझ अनुसन्धानसमेत गरिइएको कम्पनीको दाबी छ । अनुसन्धानपछि आएका प्रतिक्रियालाई ध्यानमा

राखेर नयाँ प्याकेजिङमा नेपाली सम्पदा,

. मौलिकपन र परम्परा झल्किने गरी विशेषता समावेश गरिएको कम्पनीले जारी गरेको विज्ञप्तिमा उल्लेख छ। प्याकेजिङ परिवर्तन भए पनि ब्लेन्ड र स्वादमा भने कुनै परिवर्तन नगरिएकोप्रति ग्राहकहरूको राम्रो प्रतिक्रिया आएको डिस्टिलरिजका महाप्रबन्धक सुभाष लामिछानेको भनाइ छ ।