विवाहपछि फिल्ममा फर्कँदै अभिनेत्री कैटरिना

 अभिनेत्री कैटरिना कैफले विवाहको तयारीका कारण यस अघि फिल्म टाईगर ३ को छायाँकनको लागि समय दिन सकेकी थिईनन् । दुई महिना अघि विवाह गरेकी अभिनेत्री कैटरिना अब १४ फेब्रुअरीबाट फिल्मको छायाँकनमा फर्कने बताएकी छिन् ।

यो फिल्मको केही दिनको मात्र छायाँकन बाँकी छ । फिल्ममा सलमान एकल छायाँकन सबै सकिएको छ । अब कैटरिना कैफसँग युगल दृष्यको छायाँकनमात्र बाँकी रहेको सलमानले बताएका छन् । फिल्मको बाँकी छायाँकन दिल्ली लगायतका शहरमा गरिने भएको छ ।

अभिनेत्री कैटरिनाले आफु अब टाईटर ३ को छायाँकन चाँडो भन्दा चाँडो सक्ने पक्षमा रहेको बताएकी छिन् । बिगतमा विवाहको कारण आफुले समय दिन नसकेको र अब निर्माण पक्षले मागेको समयमै छायाँकन सक्ने तयारीमा आफु रहेको पनि यी अभिनेत्रीको कथन छ ।

आउँदो इदमा प्रदर्शनी गरिने भनिएको यो फिल्म कोरोना संक्रमण भारतमा बढेका कारण त्यो मितिमा अब नआउने भएको छ । भारतमा कोरोनाको कहर अझै जारी छ । यो फिल्मको छायाँकन अन्तिम चरणमा भईरहँदा कोरोना बढेपछि छायाँकन रोकिएको हो । फिल्मको छायाँकन अझै नसकिएकाले पूर्व घोषित समयमा अब टाईगर ३ रिलिज नहुने सलमानले बताएका छन् ।