१६ आश्विन २०७९, आईतवार
October 2, 2022, Sunday

नम्रता बनिन् महंगी नायिका

नम्रता बनिन् महंगी नायिका

पछिल्लो समयमा रिलिज भएका फिल्महरु एकपछि अर्को फ्लप भइरहे पनि चल्तिका कलाकारहरु भने पारिश्रमिक बढाउने होडबाजीमा छन् । यसबाट फिल्म निर्माताहरुले पारिश्रमिकमै ठूलो धनराशी खर्च गर्नुपर्ने अवस्था आएको छ ।

नायकले लिने पारिश्रमिकको चर्चा अत्यधिक भइरहँदा नायिकाहरु पनि कम छैनन् । नायिका साम्राज्ञी राज्यलक्ष्मी शाहले चलचित्र ‘कायरा’मा १० लाख पारिश्रमिक लिएपछि उनी सबैभन्दा महंगी नायिका बनेकी थिइन् । तर, अब साम्राज्ञीलाई अर्की नायिकाले उछिनेको खबर छ ।

सोमबारदेखि छायांकन सुरु भएको चलचित्र ‘प्रसाद’मा मुख्य भूमिका निर्वाह गर्न लागेकी नायिका नम्रता श्रेष्ठले यो चलचित्रबाट १५ लाख रुपैयाँ पारिश्रमिक लिएको चर्चा चलेको छ । बर्षमा कम चलचित्र खेल्ने तर त्यसका लागि पुरा समय र मिहिनेत दिने नायिका श्रेष्ठलाई निर्माता सुवास थापाले १५ लाख पारिश्रमिक दिएका हुन् ।

नम्रताले १५ लाख पारिश्रमिक लिएपछि उनी सबैभन्दा महंगी नायिका बनेकी छिन् । यो चलचित्रका मुख्य नायक विपिन कार्कीले १७ लाख पारिश्रमिक लिएको वुझिएको छ । यस्तै, चलचित्रका अर्का कलाकार निश्चल बस्नेतले पनि १७ लाख नै पारिश्रमिक लिएको चर्चा छ ।

निश्चल चलचित्र निर्देशन भन्दा अभिनयमा बढी व्यस्त छन् । उनले, चलचित्र निर्देशन गर्ने चर्चा चलेपनि त्यो स्थगित भएको छ । यसैले, महंगो पारिश्रमिक लिएर चलचित्रमा नै काम गर्न उनले सहि ठानेको देखिन्छ ।

निर्माता सुवास थापाले ५० लाखभन्दा बढी रकम ३ कलाकारको पारिश्रमिकमै खर्च गरेका छन् । दिनेश राउतको निर्देशनमा यो चलचित्र बनिरहेको छ ।

onlinekhabar

Related News

माइकल अधिकारी १ रुपैयाँमै हेर्न पाइने
माइकल अधिकारी १ रुपैयाँमै हेर्न पाइने
  • १३ असार २०७५, बुधबार

याँ चलचित्र ‘माइकल अधिकारी’ १ रुपैयाँमै सिनेमा हलमा बसेर हेर्न पाइने भएको छ । नेपालकै सबैभन्दा ठूलो डिजिटल वालेट इसेवाले...

गायिका मेलिनाले तोडिन् इन्गेजमेन्ट
गायिका मेलिनाले तोडिन् इन्गेजमेन्ट
  • १३ असार २०७५, बुधबार

लोकप्रिय गायिका मेलिना राईले प्रेमी सञ्जीव बराइलीसँग केही समयअघि गरेको इन्गेजमेन्ट तोड्ने निर्णय गरेकी छन् । आफूहरुबीच वैचारिक मतभेद देखिन...

सम्झना बिर्सना सयभन्दा बढी हलबाट
सम्झना बिर्सना सयभन्दा बढी हलबाट
  • १३ असार २०७५, बुधबार

 आकाश श्रेष्ठ र पूजा शर्मा अभिनित ‘सम्झना–बिर्सना’ शुक्रबारबाट सयभन्दा बढी हलमा लाग्दै छ । गत ६ जेठमा रिलिज गर्ने भनिएको...

TOP