२१ असार २०७९, मंगलवार
July 5, 2022, Tuesday

ट्याम्पु चालक बन्दै अभिनेत्री श्वश्तिमा

ट्याम्पु चालक बन्दै अभिनेत्री श्वश्तिमा

अभिनेत्री स्वस्तिमा खड्का ट्याम्पो ड्राइभरको भूमिकामा देखिने भएकी छन् । उनी सोमबार एक कार्यक्रमको आयोजनासहित घोषणा गरिएको चलचित्र ‘बुलबुल’मा ट्याम्पु चलक बन्न लागेकी हुन् ।
ग्ल्यामर गर्लको भूमिकामा सँधै देखिदै आएकी खड्का ‘बुलबुल’मा नन ग्ल्यामर गर्लको रुपमा प्रस्तुत हुने कार्यक्रममा जानकारी दिइयो । टेम्पो चालकको बाहिरी र भित्री दुवै यात्राको कथा रहने चलचित्र विनोद पौडलेले निर्देशन गर्न लागेका हुन् । अस्कर कलेजका प्रिन्सिपल समेत रहेका पौडेलले यसअघि ‘साँघुरो’ चलचित्रको कथा तथा पटकथा लेखेका थिए ।

घोषणा कार्यक्रममा बोल्दै निर्देशक पौडेलले चलचित्रले एकखाले समाजको दैनिकीलाई दुरुस्त उतार्ने बताए । ‘घोषणा कार्यक्रममा चलचित्रको बारेमा बोल्नु अतिशयोक्ति जस्तो लाग्छ । कामलेनै बोलोस् भन्ने लाग्छ । हामीले समाजका एक वर्गको चित्र प्रस्तुत गर्ने जमर्को गरेका छौं, उनले थपे, ‘चलचित्र के कस्तो बन्छ त्यो आफ्नो ठाउँमा छ । तर हाम्रो प्रयासमा इमान्दारिता देख्न पाउनुहुनेछ । अरु केही नभए पनि यो फिल्मले एक्टरको जन्म गराउनेछ ।’

चलचित्रको मुख्य भूमिकामा देखिन लागेकी स्वस्तिमाले टेम्पो चालकको भूमिकामा आफूलाई तयार गराउन प्रशिक्षण लिइरहेकको बताइन् । उनले चलचित्र आफ्ना लागि विशेष रहेको भन्दै निकै मिहिनेत गरिरहेको सुनाइन् । ‘यो चलचित्रमा मलाई हेर्न भनेर पनि कोही आउनुहोला । तर यो चलचित्रमा म स्टारको रुपमा नभई कलाकार हुँ’ उनले थपिन् ‘अनि निर्माताले मलाई स्टार भएर चलचित्र चल्छ भनेर लिएको पनि होइन । स्टारनै लिन खोज्नु भएको भए बजारमा म भन्दा धेरै चलेका कलाकार हुनुहुन्छ ।’

निर्माता मध्येका एक अबिरल थापाले नेपाली चलचित्रको दृश्य भाषा र प्रस्तुतिलाई लिएर उठाइँदै आएका प्रश्नहरूमध्ये चलचित्रले ५१ प्रतिशत प्रश्नको उत्तर दिने बताए । साउनको पहिलो साताबाट फ्लोरमा जाने तयारीमा रहेको चलचित्रमा सुसन प्रजापतिको छायाँकन, स्वस्तिमासँगै जोयस पाण्डे, मुकुन भुसाल, लक्ष्मी बर्देवा, दीपक क्षेत्री, उज्वल अधिकारी, आशिका पाण्डे आदि कलाकारको अभिनय रहेको छ ।

कोेशिश क्षेत्री र उदगम परियारको संगीत रहने चलचित्रका गीतमा निश्चल बस्नेत र रजिना रिमालको स्वर रहेको छ ।

Related News

अमेरिकी अभिनेत्री एम्बर हर्ड विश्वकै सबैभन्दा सुन्दर महिला
अमेरिकी अभिनेत्री एम्बर हर्ड विश्वकै सबैभन्दा सुन्दर महिला
  • १२ असार २०७५, मंगलवार

हलिउड अभिनेत्री एम्बर हर्ड अहिले पूर्वपति जोनी डिपसँगको चिसो सम्बन्धले चर्चित छन् । हुनसक्छ, उनको व्यक्तित्वलाई लिएर विश्व विभाजित होला,...

नेपाललाई अन्तर्राष्ट्रिय स्तरमा चिनाउने छु: मिस नेपाल वर्ल्ड प्रियंका रानी
नेपाललाई अन्तर्राष्ट्रिय स्तरमा चिनाउने छु: मिस नेपाल वर्ल्ड प्रियंका रानी
  • १२ असार २०७५, मंगलवार

नेपालको सौन्दर्य प्रतियोगिताको सबैभन्दा ठुलो प्लेटफर्म मिस नेपाल वर्ल्ड २०२२ की विजेता प्रियंका रानी जोशीलाई पुर्ख्यौली घरमा बाजागाजासहित स्वागत गरिएको...

को हुन् मिस नेपाल प्रियंका रानी जोशी
को हुन् मिस नेपाल प्रियंका रानी जोशी
  • १२ असार २०७५, मंगलवार

मिस नेपाल २०२२ कि विजेता प्रियंका रानी जोशी २४ वर्षकी भइन् । उनले ६ वर्ष अघि ऐन भो मोडलिङ प्रतिष्पर्धाको...

TOP