१६ आश्विन २०७९, आईतवार
October 2, 2022, Sunday

विवाहको २० वर्षपछि अर्जुन रामपालले श्रीमतीसँग सम्बन्धविच्छेद गर्दै

विवाहको २० वर्षपछि अर्जुन रामपालले श्रीमतीसँग सम्बन्धविच्छेद गर्दै

बलिउड अभिनेता अर्जुनले आफ्नी श्रीमती पूर्व मिस इन्डिया मेहर जेसियासँग २० वर्ष पुरानो वैवाहिक सम्बन्धमा ब्रेक लगाउने निर्णय गरेका छन् । दुबैबीच निकै लामो समयदेखि खटपट चलिरहेको थियो र छुट्टा छुट्टै बस्दै आएका थिए ।

ऋतिक रोशन र उनकी पूर्व श्रीमती सुजैन खानको सम्बन्धविच्छेद पछि नै अर्जुनको वैवाहिक सम्बन्धमा खटपटको समाचार आउन थालेका थिए । अब यी दुईले सहमतीमा नै सम्बन्ध तोड्न लागेको जानकारी दिएका छन् ।

पूर्व मोडल अर्जुन रामपाल, ४५, र मेहेर जेसिया, ४७, को सन् १९९८ मा विवाह भएको थियो । उनीहरुका माहिका, १६, र माइरा, १३, नामका दुई छोरी छन् ।

बम्बे टाइम्सलदाई दिएको वक्तव्य अनुसार अर्जुन रामपाल र उनकी श्रीमती मेहरले आफ्नो सम्बन्ध समाप्त गर्ने निर्णय गरेका छन् । दुबैले आपसी सहमतीमा भिन्न बाटो रोज्ने निर्णय गरेका छन् । अर्जुन र मेहरले आफ्नो सम्बन्धलाई दोस्रो मौका दिन पूरा कोसिस गरे । सम्बन्ध समाप्त नहोस् भन्नका लागि दुबै आफ्ना छोरीहरुसँग विभिन्न भ्रमणमा गए, राम्रो समय पनि बिताए तर स्थिती सामान्य हुन सकेन ।

जारी गरिएको संयुक्त वक्तव्यमा भनियो, ‘२० वर्षको यो सुन्दर यात्रालाई समाप्त गर्ने समय आएको छ । प्रत्येक यात्राको बेग्लाबेग्लै लक्ष्य हुन्छ त्यसकारण हामीले अलग्गिने निर्णय गरेका छौं । नयाँ यात्रा थालेपछि पनि हामी दुबै राम्रो साथी हुनेछौं र आवश्यक परे एक अर्कालाई साथसमेत दिनेछौं ।’

‘हामी दुबै छोरीहरु माहिका र माइराका लागि सधैं हुनेछौं । हामीलाई यो घडीमा सहयोग गर्ने सबैलाई धन्यवाद । सम्बन्ध टुङ्गिन सक्छ तर माया सधैं जीवित रहन्छ । हामीले यसबारे थप प्रतिक्रिया दिनेछैनौं ।’

अर्जुन रामपालको नाम ऋतिक रोशनकी श्रीमतीसँग निकै जोडिएको थियो, दुबैको अफेयरको खबर पनि सार्वजनिक भएको थियो ।

वास्तवमा ऋतिक र अर्जुन कुनैबेला फ्यामिली फ्रेन्ड थिए । सुजैन खान र मेहर जेसियालाई पनि धेरैजसो पार्टीमा सँगै देखिन्थ्यो । यद्यपी, चार वर्ष अघि ऋतिक सुजैनको सम्बन्धविच्छेद हुनुमा अर्जुन रामपाललाई दोष दिइयो । अर्जुन र सुजैनको अफेयरका कारण एक पार्टीमा मेहर र सुजैनबीच झगडासमेत भएको खबर सार्वजनिक भएको थियो ।

Related News

माइकल अधिकारी १ रुपैयाँमै हेर्न पाइने
माइकल अधिकारी १ रुपैयाँमै हेर्न पाइने
  • १४ जेष्ठ २०७५, सोमबार

याँ चलचित्र ‘माइकल अधिकारी’ १ रुपैयाँमै सिनेमा हलमा बसेर हेर्न पाइने भएको छ । नेपालकै सबैभन्दा ठूलो डिजिटल वालेट इसेवाले...

गायिका मेलिनाले तोडिन् इन्गेजमेन्ट
गायिका मेलिनाले तोडिन् इन्गेजमेन्ट
  • १४ जेष्ठ २०७५, सोमबार

लोकप्रिय गायिका मेलिना राईले प्रेमी सञ्जीव बराइलीसँग केही समयअघि गरेको इन्गेजमेन्ट तोड्ने निर्णय गरेकी छन् । आफूहरुबीच वैचारिक मतभेद देखिन...

सम्झना बिर्सना सयभन्दा बढी हलबाट
सम्झना बिर्सना सयभन्दा बढी हलबाट
  • १४ जेष्ठ २०७५, सोमबार

 आकाश श्रेष्ठ र पूजा शर्मा अभिनित ‘सम्झना–बिर्सना’ शुक्रबारबाट सयभन्दा बढी हलमा लाग्दै छ । गत ६ जेठमा रिलिज गर्ने भनिएको...

TOP