२२ मंसिर २०७८, बुधबार
December 8, 2021, Wednesday

फेसबुकले बन्द गर्यो २ सय एप्स

फेसबुकले बन्द गर्यो २ सय एप्स

प्रयोगकर्ताका डाटामाथि अनधिकृत पहुँच स्थापित गरी दुरुपयोग गर्ने एपहरुमाथि कारवाही गर्ने कार्य सुरु गरेको फेसबुकले पहिलो चरणमा फेसबुकमा क्रियाशील २ सय वटा एपलाई निलम्बन गरेको छ ।

प्रयोगकर्ताका डाटा लिक भएको काण्डमा विवादित बनेको फेसबुकले डाटा गोपनियताका लागि सख्त कदम चाल्ने घोषणा गरेकोमा अनधिकृत एपहरुमाथि निलम्बन सुरु गरेको हो ।

फेसबुकले निलम्बन गरिएका एपहरुको नाम भने खुलाएको छैन । तर ती एपका डेभलपरलाई त्यसबारेमा जानकारी गराइसकिएको जनाएको छ ।

ती एपहरुले प्रयोगकर्ताका डाटाहरुको दुरुपयोग गरे नगरेको विषयमा गहन अनुसन्धान गरिने र त्यतिन्जेलसम्मका लागि निलम्बन गरिएको फेसबुकको प्रडक्ट पार्टनरसीप विभागका उपाध्यक्ष इमी आर्चिबोंगले जनाएका छन् ।

फेसबुकले अन्य हजारौँ एपहरुमाथि हाल निगरानी गरिरहेको जनाएको छ ।

गत मार्च २१ मा फेसबुक संस्थापक मार्क जुकरबर्गले एक घोषणा गर्दै सन् २०१४ अघि प्रयोगकर्ताका डाटामा पहुँच रहेका एपहरुमाथि अनुसन्धान गरिने घोषणा गरेका थिए ।

फेसबुक प्रयोगकर्ताका डाटाको दुरुपयोग गर्ने सबै एपहरु पत्ता लगाउन अझै धेरै काम बाँकी रहेको आर्चिबोंगले जनाएका छन् । उनका अनुसार यस विषयमा शिघ्र रुपमा अनुसन्धान गर्नका लागि आन्तरिक र बाह्य विज्ञहरुको समूह खटाइएको उनको भनाइ छ ।

एजेन्सीको सहयोगमा

Related News

औद्योगिक करिडोरमा मागेजति बिजुली दिने तयारीमा विद्युत् प्राधिकरण
औद्योगिक करिडोरमा मागेजति बिजुली दिने तयारीमा विद्युत् प्राधिकरण
  • १ जेष्ठ २०७५, मंगलवार

हरेक युनिट बिजुलीलाई आर्थिक उत्पादनमा जोड्ने र देशभित्रै खपत बढाउने लक्ष्यका साथ नेपाल विद्युत् प्राधिकरणले योजनावद्ध रुपमा प्रयास थालेको छ...

गरेनन् पोल भाडा सम्झौता : बढेको मूल्य फिर्ता लिन माग
गरेनन् पोल भाडा सम्झौता : बढेको मूल्य फिर्ता लिन माग
  • १ जेष्ठ २०७५, मंगलवार

नेपाल विद्युत् प्राधिकरणले कुनै पनि इन्टरनेट सेवा प्रदायक कम्पनीले पोल भाडा सम्झौता नगरेको जनाएको छ । तोकिएको समय कात्तिक मसान्तसम्म...

आजदेखि ई-पासपोर्ट
आजदेखि ई-पासपोर्ट
  • १ जेष्ठ २०७५, मंगलवार

राहदानी विभागले एमआरपी विस्थापन गरी बुधबारदेखि विद्युतीय राहदानी (ई–पासपोर्ट) जारी गर्दै छ। त्रिपुरेश्वरस्थित विभागको नयाँ भवनबाट सेवाको सुरुवात गरिने विभागका...

TOP