३ जेष्ठ २०७९, मंगलवार
May 17, 2022, Tuesday

धादिङको थाँक्रेमा क्यानोनिङ महोत्सव हुने

धादिङको थाँक्रेमा क्यानोनिङ महोत्सव हुने

पर्यटन प्रवद्र्धनका लागी नेपाल क्यानोनिङ एसोसियसनले यही जेठ २५ र २६ गते क्यानोनिङ महोत्सव आयोजना गर्ने भएको छ । एसोसियसनले धादिङको थाँक्रे गाउँपालिका वडा नम्बर ६ मा रहेको रानी झर्नामा क्यानोनिङ महोत्सव गर्न लागेको हो ।

महोत्सवलाई नै लक्षित गरेर एसोसियसनले ५ दिनको क्यानोनिङ गाइड तालिम समेत सञ्चालन गर्न लागेको छ। तालिम जेठ २० गतेदेखी सुरु हुने आयोजकले जानकारी दिएको छ। प्रत्येक वर्ष क्यानोनिङ महोत्सव आयोजना गर्दै आएको यस एसोसियसनले यस वर्ष धादिङको थाँक्रेमा महोत्सव आयोजना गर्न लागेको हो।

यसअघि सन् २०१३ देखि २०१७ सम्म प्रत्येक वर्ष भोटेकोशी, नुवाकोटको थानापाती र ककनीमा महोत्सव आयोजना गरिएको थियो।

वार्षिक कार्यक्रम अनुुसार यस वर्ष महोत्सव आयोजना गरिएको आयोजक संस्थाले जनाएको छ। महोत्सवमा राष्ट्रिय तथा अन्तर्राष्ट्रि्रय क्यानोन, पर्यटन व्यवसायी लगायतको सहभागीता रहनेछ। पाँचसयभन्दा बढी व्यक्ति महोत्सवमा सहभागी हुने दाबी संस्थाको छ। एसोसियसनले सन् २०११ मा पहिलोपटक क्यानोनिङ महोत्सव आयोजना गरेको थियो।

धादिङको पृथ्वीराजमार्ग संग जोडिएका विभिन्न छहरा र झरनामा स्थानीय रिसोर्ट व्यवसायीहरुले पनि आन्तरिक र विदेशी पर्यटकलाई मनोरन्जनका लागी क्यानोनिङ्गको प्रतियोगिता गर्दै आइरहेको जोगीमारास्थित रोयलबीच क्याम्पका संचालक विष्णुहरि सिलवालले बताए।

Related News

ठमेललगायत क्षेत्रमा पर्यटकीय गतिविधि बढ्यो
ठमेललगायत क्षेत्रमा पर्यटकीय गतिविधि बढ्यो
  • ४ जेष्ठ २०७५, शुक्रबार

सङ्घीय राजधानी काठमाडौँको प्रमुख पर्यटकीय क्षेत्र ठमेललगायत नेपालका विभिन्न क्षेत्रमा पर्यटकीय गतिविधि बढ्न थालेका छन् । विश्वव्यापी रुपमा फैलिएको तेस्रो...

पर्यटन पुनरुत्थानका लागि पोखरा महानगरको रणनीतिक योजना
पर्यटन पुनरुत्थानका लागि पोखरा महानगरको रणनीतिक योजना
  • ४ जेष्ठ २०७५, शुक्रबार

कास्की – पोखरा महानगरको पर्यटनलाई कोभिड–१९ को प्रभावबाट पुनरुत्थान गर्नका लागि पोखरा महानगरले रणनीतिक योजना तय गरेको छ । पोखराको...

बुधबारदेखि अस्ट्रेलियाको सीमा खुल्ने
बुधबारदेखि अस्ट्रेलियाको सीमा खुल्ने
  • ४ जेष्ठ २०७५, शुक्रबार

अस्ट्रेलियाले बुधबारदेखि विद्यार्थी तथा भिसावाहक विदेशी नागरिकका लागि सीमा खुल्ला गर्ने निर्णय गरेको छ । दुई साताअघि नै सीमा खोल्ने...

TOP