भारतमा कोभिडबाट मृत्यु हुनेको संख्या ५ लाख नाघ्यो, संक्रमणको संख्यामा कमी आयो तर मृत्यु चाहीं घटेन

कोभिड – १९ बाट भारतमा मुत्यु हुनेको संख्या ५ लाख नाघेको छ ।  

केन्द्रीय स्वास्थ्य मन्त्रालयले शनिवार सो कुराको जानकारी दिंदै भारतमा कोभिडबाट मृत्यु हुनेको संख्या ५ लाख १ हजार ११४ जना पुगेको बताएको छ ।     
     
उक्त मन्त्रालयले शनिवार यहाँ कोभिडबाट १ हजार ५९ जनाको मृत्यु भएको पनि बताएको छ । यहाँ केही हप्ता यता संक्रमणको संख्यामा कमी आए पनि मृत्यु भने घटेको छैन । 
यहाँका अधिकारीहरुले अहिलेसम्म भारतमा कोभिड – १९ बाट ४ करोड २० हजारभन्दा बढी मानिस संक्रमित भएको बताएका छन्।

भारतमा पछिल्ला समयमा ओमिक्रोनको संक्रमण बढेको हो । तर यहाँ यसअघिको दोस्रो वेभमा डेल्टा भाइरसको संक्रमणका समयमा भन्दा बढी खतरनाक अवस्था भने रहेको छैन । रासस/ सिन्ह्वा