१२ मंसिर २०७९, सोमबार
November 28, 2022, Monday

तीन अर्ब पचास करोड रुपियाँ लगानीमा बाँकेमा कागज उद्योग स्थापना

तीन अर्ब पचास करोड रुपियाँ लगानीमा बाँकेमा कागज उद्योग स्थापना

बाँकेमैं कागज उद्योग स्थापनाका लागि पहल थालिएको छ । एक्सीलेन्ट पेपर रिसाइकल कन्सर्न प्रा. लि. (प्रस्तावितः एक्सीलेण्ट पेपर मिल कम्पनी लि.) ले नेपालमै कागज उत्पादनका लागि उद्योग स्थापना पहल सुरु गरेको हो ।

उद्योग स्थापनास्थल बाँकेको राप्ताीसोनारी–२ महेन्द्रपुरमा कम्पनीका संस्थापक अध्यक्ष ज्योतिलाल भण्डारी स्थानीयसँग ।

नेपालगञ्ज उपमहानगरपालिका– १८, मा रजिष्टर्ड कार्यालय स्थापना गरेर कम्पनीले उद्योग निर्माणको प्रक्रिया शुरु गरेको जानकारी दिनुभयो । अध्यक्ष भण्डारीले कागज उद्योग हाल भारतीय कच्चा पदार्थमा निर्भर रहेकोले यो उद्योगले आफै कच्चा पदार्थ समेत उत्पादन गर्ने बताउनुभयो ।

फोटोकपी पेपर, म्याफ्लिथो पेपरलगायत सबैखालका गुणस्तरीय कागज उत्पादन गरी नेपालको आयातलाई केही हदसम्म रोक्न सफल हुने दावी गर्नुभयो । देशमा भएको एउटै कागज उद्योग भृकुटी कागज कारखाना बन्द भएपछि देश परनिर्भर बनेको उल्लेख गर्दै भण्डारीले यो उद्योग नेपालका लागि गौरबको उद्योग हुने बताउनुभयो ।

कम्पनीले नयाँ प्रविधियुक्त डाइजेष्टर मेसिन प्रयोग गरी क्वालिटी पेपर उत्पादन गर्नेगरी बायोप्लान्ट स्थापना गर्ने जनाएको छ । ‘बायो विद्युत प्लान्ट, सोलार प्लान्ट जडान गरी कम्पनीलाई चाहिने उर्जा आफै उत्पादन गरिनेछ,’ उद्योग लगाउने जग्गा देखाउँदै भण्डारीले आफ्नो स्वप्नील योजना भन्दै गए, ‘वायो प्लान्टबाट निस्केको फोहोरलाई फर्टिलाईजर प्लान्ट जडान गरी मल उत्पादन गरिने लक्ष्य राखिएको छ ।’
‘यो उद्योग स्थापना पश्चात देशलाई पेपर आयातमुक्त गरी निर्यात स्तरसम्म लैजान सकिन्छ भन्ने हो,’ स्थानीयस्तरमा रोजगारीदेखि आयस्तर वृद्धिसम्मका योजना सुनाउँदै भण्डारीले भने, ‘लगानीका लागि विग हाउसहरुले पनि रुची देखाइरहेकाले पेपर सम्वन्धि उद्योगहरु अरुपनि स्थापना गर्दै लैजाने योजना छ ।’


स्थानीय स्तरबाट पनि उद्योगमा लगानी प्रेरित गरिएको छ । ‘गौरबको योजना बनाउन खोजिएकाले लगानीका लागि सबैलाई आब्हन गरिएको छ,’ ठुला लगानीकर्ताहरु जोडिइरहँदा स्थानीयस्तरमा अपनत्व वृद्धि गर्न स–साना पुँजीलाई पनि एकत्रित गर्दै लैजाने सोंच अघि सारिएको जनाउ दिंदै अध्यक्ष भण्डारीले भने, ‘हरेक कर्मचारीलाई न्यूनत्तम सेयरमा जोड्ने हो, स्थानीयस्तरमा चाहेका जतिलाई कम्पनीको न्यूनत्तम सेयर उपलब्ध गराउने गरि सु–सूचित गराइरहेका छौं ।’

Related News

नेपालीले बजाउँछन् एक वर्षमा २६ करोडको बाद्ययन्त्र
नेपालीले बजाउँछन् एक वर्षमा २६ करोडको बाद्ययन्त्र
  • २९ मंसिर २०७८, बुधबार

नेपालले एक वर्षमा करिव २६ करोड रुपैयाँका विभिन्न बाद्ययन्त्रहरु आयात गर्ने गरेको पाइएको छ । नेपालले गत आर्थिक वर्ष २०७८/७९...

खडेरीले खेती सुकेपछि किसान चिन्तित
खडेरीले खेती सुकेपछि किसान चिन्तित
  • २९ मंसिर २०७८, बुधबार

पछिल्लो करिब एक महिना देखी परेको खडेरीले धान रोपेका खेत चिराचिरा परेर फुट्न थाले पछि पश्चिम नवलपरासीका किसानहरु चिन्तित बनेका...

शिवजीको प्रिय महिना साउन , के के गर्न सकिन्छ ब्रतमा
शिवजीको प्रिय महिना साउन , के के गर्न सकिन्छ ब्रतमा
  • २९ मंसिर २०७८, बुधबार

भगवान शिवको प्रिय महिना साउनको पहिलो सोमवार आराध्यदेव पशुपतिनाथ मन्दिरमा आज बिहानैदेखि भक्तजनहरुको भीड लागेको छ । विहानैदेखि भक्तजनहरुको उल्लेख्य...

TOP