१२ मंसिर २०७९, सोमबार
November 28, 2022, Monday

तेह्रथुम क्षेत्रमा रहेको लोकमार्गको काम द्रुत गतिमा

तेह्रथुम क्षेत्रमा रहेको  लोकमार्गको काम द्रुत गतिमा

राष्ट्रिय गौरवको आयोजना पुष्पलाल मध्यपहाडी लोकमार्गको काम प्रदेश १ मा द्रुत रूपमा अगाडि बढेको छ भने विशेष गरी तेह्रथुम क्षेत्रमा लोकमार्ग निर्माणको कामले गति लिएको छ ।

यस खण्डमा जिम्मेवार प्रशासनिक क्षेत्रबाट हुने निर्देशन र अनुगमनले निरन्तरता पाएसँगै यो आयोजनाको निर्माणले गति लिएको हो । तेह्रथुममा लोकमार्गको ११९ किलोमिटर क्षेत्रफल पर्छ । त्यसमध्ये यो सडकखण्ड २५ दशमलव पाँच किलोमिटर क्षेत्रफलमा रहेको छ ।

लोकमार्गलाई आधार बनाएर गाउँ–गाउँमा शाखा सडक विस्तार भएका छन्। स्थानीय कृषिउपजले बजार पाएको छ। ‘विकासको पहिलो आधार भनेकै सडक रहेछ’, याङवरक–१ च्याङ्थापुका वडाध्यक्ष मोहन ढुंगेल भन्छन्, ‘सडक विस्तार भएपछि गाउँको हरेक उत्पादनले बजार पाएको छ। किसानको आम्दानी बढेको छ।’

याङ्वरकको चिवाभञ्ज्याङ लोकमार्गको उद्गमस्थल हो। चिवाभञ्ज्याङबाट बैतडीको झुलाघाटसम्म जोडिने लोकमार्गको काम प्रदेश १ मा धमाधम भइरहेको छ। पाँचथरलगायत जिल्लामा लोकमार्गको काम अन्तिम चरणमा पुगेको छ। लोकमार्गले प्रदेश १ का पाँचथर, तेह्रथुम, धनकुटा, भोजपुर, खोटाङ, ओखलढुंगा र उदयपुर जिल्लालाई छोएको छ। सबै जिल्लामा काम तीव्र गतिमा भइरहेको आयोजनाले जनाएको छ।

यो सडकखण्डको पहिलो खण्ड वसन्तपुर–लसुनेमा कालिका भभेश्वर जेबी कन्स्ट्रक्सनले कालोपत्रेको काम अगाडि बढाएको छ । यो सडकखण्डको लम्बाइ १० किलोमिटर छ । लसुने–जिरिखिम्ती–बगाले खण्डको १० दशमलव चार किलोमिटरमा आशिष आश्रय जेभी निर्माण सेवाले सडक विस्तार तथा बेस बिछ्याउने कामलाई तीव्रता दिएको छ । तर जिरिखिम्तीदेखि बगाले–म्याङ्लुङ खण्डको पाँच किलोमिटर लामो सडकखण्डमा भने अझै पनि ट्र्याक खोल्ने काम सकिएको छैन ।

Related News

नेपालीले बजाउँछन् एक वर्षमा २६ करोडको बाद्ययन्त्र
नेपालीले बजाउँछन् एक वर्षमा २६ करोडको बाद्ययन्त्र
  • १४ मंसिर २०७८, मंगलवार

नेपालले एक वर्षमा करिव २६ करोड रुपैयाँका विभिन्न बाद्ययन्त्रहरु आयात गर्ने गरेको पाइएको छ । नेपालले गत आर्थिक वर्ष २०७८/७९...

खडेरीले खेती सुकेपछि किसान चिन्तित
खडेरीले खेती सुकेपछि किसान चिन्तित
  • १४ मंसिर २०७८, मंगलवार

पछिल्लो करिब एक महिना देखी परेको खडेरीले धान रोपेका खेत चिराचिरा परेर फुट्न थाले पछि पश्चिम नवलपरासीका किसानहरु चिन्तित बनेका...

शिवजीको प्रिय महिना साउन , के के गर्न सकिन्छ ब्रतमा
शिवजीको प्रिय महिना साउन , के के गर्न सकिन्छ ब्रतमा
  • १४ मंसिर २०७८, मंगलवार

भगवान शिवको प्रिय महिना साउनको पहिलो सोमवार आराध्यदेव पशुपतिनाथ मन्दिरमा आज बिहानैदेखि भक्तजनहरुको भीड लागेको छ । विहानैदेखि भक्तजनहरुको उल्लेख्य...

TOP