गुणज्ञ नेपालद्वारा सरकारी विद्यालयका वञ्चित विद्यार्थीहरूमा आईसीटी सामग्री सहयोग

गुणज्ञ नेपाल काठमाडौँ ( पिङ्गलास्थान )ले मन्थली नगरपालिका–०८, रामेछापमा रहेको सरकारी विद्यालय जगदम्बा आधारभूतमा सोमबार स्टेशनरी सामानहरू तथा विद्यार्थीको सिकाईमा सहजता ल्याउन पाँच वटा कम्प्युटर सहयोग गरेको छ ।

ज्ञानको ज्योति परियोजना हातमा लिएर, जगदम्बा विद्यालयमा सूचना सञ्चार र प्रविधि एकाइलाई बढावा दिदै जसले विद्यार्थीहरूलाई मित्रवत र आईसीटी सम्बन्धी कार्यमा सीप प्रदान होस् भन्ने उद्देश्यले सहयोग गरेको हो।

दुर्गम क्षेत्रका वञ्चित विद्यालयहरूमा आईसीटी सुविधा स्थापना गर्ने लक्ष्य राखेका छौं। हामी विश्वास गर्छौं कि सूचना सञ्चार र प्रविधि समयको आवश्यकता हो र विद्यार्थीहरूले पनि समग्र राष्ट्रको उन्नतिको लागि यसमा उत्कृष्ट हुन आवश्यक छ भन्दै गुणज्ञ नेपाल ज्ञानको ज्योति अध्यक्ष श्री प्रभु बहादुर सिंहले जानकारी दिए |

“हामीले पनि कम्प्यूटर अध्ययनको व्यावहारिक कक्षा लिन्छौं भनेर सोचेका थिएनौं। म सिक्न र बढ्नको लागि धेरै उत्साहित छु। म निकट भविष्यमा आईटी इन्जिनियर हुनेछु,” भन्दै एक विधार्थी

रामेछापको जगदम्बा आधारभूत विद्यालयका प्रधानाध्यापकलाई स्टेशनरी सामानहरू लगायत कम्प्युटर हस्तान्तरण गरेका हुन् ।