३ जेष्ठ २०७९, मंगलवार
May 17, 2022, Tuesday

फेरि बढ्यो हवाई भाडा

फेरि बढ्यो हवाई भाडा

पछिल्लोपटक नेपाल आयल निगमले हवाई इन्धनको मूल्य वृद्धि गरेसँगै वायुसेवा सञ्चालकले पनि आन्तरिक हवाई टिकटमा जोड्ने इन्धनबापतको मूल्य बढाएका छन् । जसका कारण यो कात्तिक महिनामै फेरि हवाई इन्धनको मूल्य बढेको हो ।

अहिले हवाई इन्धनमा आयल निगमले आन्तरिकतर्फ प्रतिलिटर ५ रुपैयाँ मूल्य बढाएर प्रतिलिटर १ सय १ रुपैयाँ पु¥याएको छ । अब सोहीअनुसार हवाई यात्रुले आन्तरिक हवाई यात्राको क्रममा सबैभन्दा लामो रुटमा अधिकतम २ सय २० रुपैयाँसम्म बढी भाडा तिर्नुपर्ने भएको छ ।

नेपाल नागरिक उड्डयन प्राधिकरणबाट समेत स्वचालित प्रणालीअनुसार पछिल्लोपटक बढेको परिमार्जित मूल्यलाई स्वीकृति प्रदान भएसँगै आइतबारदेखि नै यो नयाँ भाडादर कायम भएको वायुसेवा सञ्चालक संघले जनाएको छ ।

संघले आइतबार विज्ञप्ति जारी गर्दै यस्तो जानकारी गराएको हो । संघले उपलब्ध गराएको परिमार्जित फ्यूल ‘सरचार्ज’अनुसार सबैभन्दा बढी काठमाडौं–धनगढी रुटमा प्रतियात्रु २ सय २० रुपैयाँ भाडा बढेको छ । यसैगरी, काठमाडौंबाट हुने पर्वतीय उडानमा भने इन्धनमा लाग्ने शुल्क १ सय ७० रुपैयाँ बढेको छ । त्यसैगरी, पोखरा–विराटनगर रुटमा उड्ने यात्रुले प्रतिटिकट १ सय ८० रुपैयाँ बढी तिर्नुपर्ने भएको छ ।

अब काठमाडौंबाट जुम्ला उडानमा प्रति यात्रु १ सय ७० रुपैयाँ भाडा बढी तिनुपर्ने हुन्छ । काठमाडौंबाट सुर्खेतका लागि १ सय ७५ रुपैयाँ, काठमाडौंबाट नेपालगन्ज १ सय ६० रुपैयाँ र काठमाडौंबाट भद्रपुरका लागि अहिलेको भन्दा प्रतियात्रु १ सय ५० रुपैयाँ भाडा बढेको संघले जनाएको छ ।source

Related News

दार्चुलाको शैल्यशिखरमा माइक्राे बस दुर्घटना, ३ जनाको मृत्यु
दार्चुलाको शैल्यशिखरमा माइक्राे बस दुर्घटना, ३ जनाको मृत्यु
  • २९ कार्तिक २०७८, सोमबार

दार्चुलामा हाइस दुर्घटना हुदाँ ३ जनाको मृत्यु भएको छ । जिल्लाको शैल्यशिखर नगरपालिका —९ गोकुलेश्वरबाट पनेबाँजतर्फ जाँदै गरेको म १...

बालेन साह केशव स्थापित भन्दा २९४२ मतले अगाडी
बालेन साह केशव स्थापित भन्दा २९४२ मतले अगाडी
  • २९ कार्तिक २०७८, सोमबार

काठमाडौं महानगरपालिकाको मेयरमा स्वतन्त्र उम्मेदवार बालेन साहले मतान्तर बढाउँदै अग्रता कायम राखेका छन् । निर्वाचन आयोगले सोमबार दिउँसो साढे १...

नेपालीमा भाषण गर्दै मोदीले भने- बुद्धकाे जन्मभूमि नेपाल आउँदा छुट्टै आनन्द आउँछ
नेपालीमा भाषण गर्दै मोदीले भने- बुद्धकाे जन्मभूमि नेपाल आउँदा छुट्टै आनन्द आउँछ
  • २९ कार्तिक २०७८, सोमबार

भारतीय प्रधानमन्त्री नरेन्द्र मोदीले आफूलाई नेपाल आउँदा छुट्टै आनन्द आउने बताएका छन् । लुम्बिनीमा आयोजित कार्यक्रममा बोल्दै प्रधानमन्त्री मोदीले नेपाल...

TOP