२१ असार २०७९, मंगलवार
July 5, 2022, Tuesday

कृषि विकस बैंककी टेलर दिपीकाले यसरी कुम्ल्याईन चार करोड !

कृषि विकस बैंककी टेलर दिपीकाले यसरी कुम्ल्याईन चार करोड !

दिपीका रेग्मी उमेरले ३२ पुगिन् । काठमाडौंको सितापाईला बस्दै आएकी उनी कृषि विकास बैंकको शाखा कार्यालय न्युरोडमा काम गर्छिन् । न्युरोड शाखामा ब्यक्ति र संस्थाहरुले विभिन्न बैंकको चेक मार्फत कृषि विकास बैंकमा जम्मा गर्न ल्याएको रकममा गोलमाल गरेको भन्दै प्रहरीको केन्द्रीय अनुसन्धान ब्युरोले उनलाई पक्राउ गरेको छ ।

चेक डिपोजीटमै गोलमाल गरेर चार करोड भन्दा बढी आफन्तको खातामा डिपोजिट गरेको खुलेपछि दिपीकासहित अन्य दुई जनालाई नियन्त्रणमा लिएर अनुसन्धान थालिएको केन्द्रिय अनुसन्धान ब्युरोका निर्देशक डिआईजी पुष्कर कार्कीले जानकारी दिए । ‘बैंकको टेलर दिपीकासहितका अन्य दुई जना कसुरमा संलग्न देखिएका छन्’ डिआईजी कार्कीले भने, ‘दिपीकाले बैंकमा आउने चेकलाई सम्वन्धित ब्यक्ति र आफ्ना आफन्तहरुको नाममा समेत डिपोजिट गर्ने गरेको अनुसन्धानबाट खुल्न आएको छ ।’

दिपीका रेग्मीले ईलेक्ट्रोनिक चेक क्लियरेन्स (ईसिसी) मार्फत सम्वन्धित हितग्राहीको खातमा जम्मा गरिसकेपनि उक्त भुक्तानी गरेबापत सुचारु गरेको रिपोर्टलाई इडिट गरेर सोही चेकलाई पुनः ईसिसीमार्फत आफन्तको खातामा जम्मा गर्ने गरेको पाईएको छ । यसरी बैंकीङ फ्रड गरेर दिपीकाले चार करोड एकानब्बे लाख कृषि विकास बैंकलाई नोक्सानी गरेको डिआईजी कार्कीले बताए ।

यसरी बैंकलाई झुक्याएर कमाएको पैसा उनले धेरैजसो सुनचाँदी खरिदमा खर्च गर्ने गरेको पाईएको छ । दिपीकाले एउटै सुन पसलबाट एक करोडभन्दा बढी रकमको सुन खरिद गरेको खुल्न आएकोसँगै केन्द्रीय अनुसन्धान ब्युरोले सुन चाँदी ब्यवसायी प्रकाश घतानीलाई समेत नियत्रणमा लिएको छ ।
प्रहरीका अनुसार सुन चाँदी खरिद गर्ने नाममा दिपीकाले घतानीको खातामा एक करोड रुपैयाँ डिजोजिट गरिदीएकी थिइन् ।

बालाजु बस्ने घतानी बाहेक प्रहरीले सोही कसुरमा संलग्न दोलखाका रमेश कुमार थापालाई पनी नियन्त्रणमा लिएको छ । उनीहरुमाथी उच्च अदालत पाटनबाट म्याद लिएर बैंकीङ कसुर तथा सजाय ऐन २०६४ बमोजिम अनुसन्धान भईरहेको बताईएको छ ।

Related News

मतदाता नामावलीमा नाम दर्ता गर्न के–के कागजात चाहिन्छ ?
मतदाता नामावलीमा नाम दर्ता गर्न के–के कागजात चाहिन्छ ?
  • १६ मंसिर २०७४, शनिबार

सरकारले असार १ गतेदेखि मतदाता नामावलीमा नाम दर्ता गरिरहेको छ । यसअघि मतदाता नामावलीमा नाम दर्ता गर्न छुटेका तथा भर्खरै...

भेरी–बबई डाइभर्सन आयोजना सकिन तीन वर्ष लाग्ने, ५६ प्रतिशत काम सम्पन्न
भेरी–बबई डाइभर्सन आयोजना सकिन तीन वर्ष लाग्ने, ५६ प्रतिशत काम सम्पन्न
  • १६ मंसिर २०७४, शनिबार

राष्ट्रिय गौरवको आयोजना अन्तर्गत रहेको भेरी–बबई डाइभर्सन आयोजनाको निर्माण सक्न अझै तीन वर्ष लाग्ने देखिएको छ । याे आयोजनाको हालसम्म...

उपभोग्य वस्तुकाे मूल्य आकाशिँदा उपभोक्ता मर्कामा
उपभोग्य वस्तुकाे मूल्य आकाशिँदा उपभोक्ता मर्कामा
  • १६ मंसिर २०७४, शनिबार

सुदूरपश्चिम प्रदेशमा दैनिक उपभोग्य वस्तुको मूल्य आकाशिएको छ । दैनिक प्रयोगमा आउने चामल, खाने तेल, ग्यास, चामल, चिनी, तरकारी, फलफूल,...

TOP