चितवनमा “भृकुुटी नमुना स्काउट क्याम्पोरी २०७६” सम्पन्न भएको छ । कार्तिक २२ गते बाट सुरु भई २४ गते सम्म सञ्चालन भएको उक्त कार्यक्रममा १४ जिल्लाका ४८ विद्यालयबाट ११७१ विद्यार्थिको सहभागिता रहेको थियो । भातृत्व भगिनीत्व एवम् मित्रता अभिबृद्घि गर्ने, अनेकतामा एकता, नागरिकको चेतनाको विकास, मैत्री भावना, शान्ती, कला संस्कृतिको रक्षा तथा युवा÷युवती तथा किशोर÷किशोरीहरुलाई दुव्र्यसनीबाट बचाई रचनात्मक कार्यमा संलग्न गराउदै उनीहरुको सर्वाङ्गीण विकास गर्ने उद्देश्य राखी भृकुटी वोर्डिङ स्कुल भरतपूर–३ ले ३ दिने “भृकुटी नमुना स्काउट क्याम्पोरी” कार्यक्रम आयोजना गरिएको स्काउट शिक्षक तथा संयोजक रामु पाण्डेले जानकारी दिनुभयो । कार्यक्रमलाई नेपाल स्काउट चितवनका जिल्ला आयुक्त तीर्थराज न्यौपाने, संघिय संसदका माननीय सांसद एवं कानुन न्याय तथा मानव अधिकार समितिका सभापति कृष्णभक्त पोखरेलले सम्बोधन गर्नुभएको थियो । शाहशिक, मनोरञ्जनात्मक र वौद्घिक गरि ३ भागमा विभाजित गरिएको उक्त कार्यक्रममा शोभायात्रामा न्यु होराइजन वोर्डिङ स्कुल, प्रगति पाठशाला, लिटिल स्टार वोर्डिङ स्कुल र गुरुकुल स्कुल क्रमश ः प्रथम, द्वितीय, तृतीय र सान्त्वना स्थान प्राप्त गर्न सफल भएका थिए । अन्तर विद्यालय नृत्य प्रतियोगितामा न्यु होराइजन वोर्डिङ स्कुल, अर्किड स्कुल, ग्रीनल्याण्ड पब्लिक स्कुल तथा चित्रवन वोर्डिङ स्कुल क्रमश ः प्रथम, द्वितीय, तृतीय र सान्त्वना स्थान प्राप्त गरेका थिए । जिल्लाका उच्च पदस्थ व्यक्ति, राजनीतिज्ञ, समाजसेवी तथा स्काउटप्रेमीहरुको सहभागितामा उद्घाटन भएको कार्यक्रमको दोस्रो दिन बृहत क्याम्पफाएरका साथै अन्तिम दिन धार्मिक शहिष्णुतालाई उत्प्रेरित गर्न सर्व धर्म सभाको आयोजना गरी नारायणगढ बजार लगाएत विभिन्न भागको दृश्यावोलोकन कार्यक्रम समावेश गरिएको सहभागी शुभराज तिमल्सिनाले जानकारी दिनुभएको थियो ।
इन्टरनेसनल प्रोजेक्ट डेभेलपमेन्ट फोरम, आइपिडिएको प्रथम बार्षिक उत्सव तथा विशिष्ट ब्यक्तित्व सम्मान कार्यक्रमको अवसरमा स्वागत मन्तब्य दिनुहुदै संस्थाका उपाध्यक्ष भवानी...
नेकपा माओवादी केन्द्रले काठमाण्डौ जिल्ला समन्वय समितिले आगामी मंसिर ४ गते हुने प्रतिनिधि सभा सदस्य निर्वाचनको लागि काठमाण्डौ क्षेत्र नं...
हाल बागमती प्रदेश र गण्डकी प्रदेशका एक-दुई स्थानमा मेघ गर्जन/चट्याङसहित हल्का वर्षा भइरहेको छ। जल तथा मौसम विज्ञान विभागका अनुसार...