- अनामनगर, काठमाण्डौ,नेपाल
- news@universalonlinetv.com
९ चैत्र २०७९, बिहीबार
March 23, 2023, Thursday
अष्ट्रेलियाका लागि नेपाली राजदूत लक्की शेर्पालाई ‘मानव तस्करी’को आरोप लागेकोमा सरकारले सो विषयमा अनुसन्धान थालेको छ । परराष्ट्रमन्त्री प्रदीप ज्ञवालीले बिहीबार बाह्रखरीसँगको कुराकानीमा सो विषयमा सरकारले अध्ययन गरिरहेको जनाए । उनको भनाइ थियो, ‘‘अध्ययनमा सोधपुछ लगायतका सबै कुरा पर्छन् ।’’
अष्ट्रेलियाको राजधानी क्यानबेरामा रहेको नेपाली दूतावासमा चालकको काम गर्न गएका ओङ्छु शेर्पाले केही दिनअघि एक टेलिभिजनसँगको कुराकानीमा राजदूत शेर्पाले मानव तस्करी गर्दै आएको आरोप लगाएपछि शेर्पा विवादमा आएकी हुन् । सोही विषयलाई लिएर प्रमुख प्रतिपक्षी दल नेपाली कांग्रेसले बुधबार वक्तव्य नै प्रकाशित गरेर राजदूत शेर्पाको विवादास्पद भूमिकाबारे सरकारको मौनताप्रति आपत्ति जनाएको थियो ।
कांग्रेसका प्रवक्ता विश्वप्रकाश शर्माद्वारा बुधबार जारी गरिएको वक्तव्यमा भनिएको छ, ‘‘अष्ट्रेलियाका लागि नेपाली राजदूत लक्की शेर्पाका सम्बन्धमा केही समययता ‘मानव तस्करीमा संलग्न’ भनी उठेको प्रश्नलाई हामीले गम्भीर रुपमा लिएका छौँ । निजकै सहयोगीले यो विषय सार्वजनिक गरेको साता दिन भइसक्दा समेत नेपाल सरकारले गम्भीर चासो प्रकट गरी अनुसन्धान नथाल्नु र मौनता राख्नुलाई हामीले झनै गम्भीर र दुःखद रुपमा लिएका छौं ।’’
राजदूत व्यक्तिगत जागिर नभई सिंगो राष्ट्र र राष्ट्रकै छविको प्रतिनिधित्व गर्ने गरिमामय जिम्मेवारी भएको जिकिर गर्दै वक्तव्यमा राजदूतका बारेमा उठेको प्रश्न उपर तत्कालै सत्य तथ्य निरुपण गर्ने कर्तव्य सरकारको रहेको जनाउँदै राजदूत शेर्पालाई तत्काल छानविनका लागि परराष्ट्र मन्त्रालयमा उपस्थित गराउन र दोषी ठहरिए बर्खास्त गर्ने कदम चाल्न समेत आग्रह गरिएको थियो ।
इन्टरनेसनल प्रोजेक्ट डेभेलपमेन्ट फोरम, आइपिडिएको प्रथम बार्षिक उत्सव तथा विशिष्ट ब्यक्तित्व सम्मान कार्यक्रमको अवसरमा स्वागत मन्तब्य दिनुहुदै संस्थाका उपाध्यक्ष भवानी...
नेपालले एक वर्षमा करिव २६ करोड रुपैयाँका विभिन्न बाद्ययन्त्रहरु आयात गर्ने गरेको पाइएको छ । नेपालले गत आर्थिक वर्ष २०७८/७९...
पछिल्लो करिब एक महिना देखी परेको खडेरीले धान रोपेका खेत चिराचिरा परेर फुट्न थाले पछि पश्चिम नवलपरासीका किसानहरु चिन्तित बनेका...
