सगरमाथा जतिकै लामो बेहुलीको लुगा !!

Universal Online TV
प्रकाशित मिती: ७ पुष २०७४, शुक्रबार

यो बेहुली पहिरन लगाउनु कुनै पनि दुलहीका लागि सायद सबैभन्दा असजिलो तथा अनौठो काम हुनेछ । किनकि यो विश्वकै सबैभन्दा लामो पहिरनको रुपमा गिनिज बुकमा दर्ज भएको छ ।

फ्रान्सको Caudry सहरमा यस पहिरनको डिजाइन गरिएको हो । यो साँच्चीकै अद्भूत छ ।

यो बेहुली पहिरन २६ हजार ५५९ दशमलब ७१ फिट लामो छ । ८ हजार ९५ मिटर लामो यो पहिरन सगरमाथाको उचाईभन्दा केहीमात्र छोटो छ ।

स्मरण रहोस् यसअघि विश्वको सबैभन्दा लामो पहिरन जम्म १२०३ दशमबल ९ मिटरको थियो ।

दुनियाँको लामो पहिरन उत्पादन गर्ने फ्रान्सको Caudry सहर फित्ता उत्पादनका लागि चर्चित ठाउँ हो । त्यसैले सहरमा यस्ता लामा पहिरन उत्पादन हुनु सामान्य हो ।

यो कीर्तिमानी पहिरनको लम्बाई नाप्नका लागि केबिनेट कारोन ब्रिफर्ट कम्पनीका पेशेवर सर्भेक्षक क्रिस्टोफ डुुमान्ट र गिनिज वर्ल्ड रेकड्सका अधिकारी रब मोलोय त्यहाँ पुगेका थिए ।

सायद यो सगरमाथा जति लामो ड्रेस कुनै बेहुलीले लगाउने हिम्मत गर्ने छैनन् । त्यसैले यसलाई अब सुहाउँदो टुक्रामा काटिनेछ र बेचिनेछ । अनि पहिरन बेचेर प्राप्त रकम च्यारिटीमा दान गरिनेछ ।

एजेन्सीको सहयोगमा