२८ श्रावण २०७९, शनिबार
August 13, 2022, Saturday

एभरेस्ट प्रिमियर लिग क्रिकेट आजदेखि

एभरेस्ट प्रिमियर लिग क्रिकेट आजदेखि

एभरेस्ट प्रिमियर लिग (ईपीएल) क्रिकेट सोमबारदेखि काठमाडौंमा सुरु हुँदैछ । कीर्तिपुरस्थित त्रिविको खेलमैदानमा सञ्चालन हुने प्रतियोगितामा सहभागी ६ टोलीले विभिन्न ६ सहरका नाममा प्रतिस्पर्धा गर्नेछन् । सहभागी टोलीमा काठमाडौं किङ्स-११, ललितपुर प्याट्रियट्स, भैरहवा ग्लाडिएर्टस, विराटनगर वारियर्स, पोखरा राइनोज र चितवन टाइगर्स रहेका छन् ।

प्रतियोगिताको उद्घाटन खेलमा काठमाडौं किङ्स-११ र ललितपुर प्याट्रियट्सबीच प्रतिस्पर्धा हुनेछ । आयोजकले प्रतियोगिताको सम्पूर्ण तयारी पूरा भएको पनि जनाएको छ । आइतबार आयोजित पत्रकारसम्मेलनमा सहभागी टोलीका कप्तान, मार्की खेलाडी र मालिकले ईपीएल ट्रफीसमेत सार्वजनिक गरे । ट्रफी सार्वजनिक कार्यक्रममा ईपीएलका सञ्चालक आमिर अख्तरले ठूलो मेहनतपछि ईपीएललाई अन्तर्राष्ट्रिय क्रिकेट काउन्सिल (आईसीसी)ले मान्यता दिएको बताए ।

‘नेपाली क्रिकेटलाई आईसीसीले निलम्बन गरेपछि घरेलु क्रिकेटमा संकटमा छ । यस्तो अवस्थामा आयोजना हुन लागेको ईपीएलले खेलाडी र युवा जमातमा उत्साह थपेको छ । हामी ईपीएललाई सर्वाधिक हेरिने घरेलु प्रतियोगिता बनाउन चाहन्छौं,’ कार्यक्रममा आमिरले भने । यसैगरी विराटनगर वारियर्सका सञ्चालक अनुज अग्रवालले घरेलु स्तरमा क्रिकेट ठप्प भएको अवस्थामा ईपीएलले खेलाडीको व्यावसायिकतामा होस्टेमा हैंसे गर्न लागेको बताए । उनले ईपीएल क्रिकेट खेलाडीका लागि आफ्नो प्रतिभा देखाउने उपयुक्त थलो बन्नुका साथै यसले विभिन्न सहरकेन्द्रित समाजलाई एकै थलोमा जोड्ने प्रयास गरेको पनि बताए ।

नेपाली राष्ट्रिय टोलीका उपकप्तान एवं ललितपुर प्याट्रियट्सका कप्तान ज्ञानेन्द्र मल्लले ईपीएल नेपाली क्रिकेटका लागि नयाँ आयाम भएको बताए । ‘खेलाडीको हिसाबले प्रतियोगिता खेल्न पाउनुमात्र खुसी होइन । यसले घरेलु क्रिकेटमा सम्भावनाको ढोका पनि खोलेको छ । विदेशी खेलाडीको आगमनले सबैलाई उत्साहित बनाएको छ,’ मल्लले भने । मल्लले आफ्नो टोलीमा युवा र अनुभवी खेलाडीको संयोजन भएकोले राम्रो नतिजा निकाल्ने दाबी पनि गरे ।

यसैगरी काठमाडौं किङ्सका कप्तान श्रीलंकाली खेलाडी फर्विज माहरुफले पहिलो पटक नेपालमा आएर खेल्न पाउँदा निकै खुसी लागेको बताए । ‘ईपीएलले नेपाललाई क्रिकेटको नयाँ गन्तव्य बनाउनेछ । टोलीमा रहेर अभ्यास गर्न पाउँदा निकै खुसी लाग्यो । यहाँका युवा खेलाडी निकै प्रतिभावान् पाएँ । प्रतिस्पर्धीको हिसाबले म आफ्नो टोलीलाई जिताउने कोसिस गर्नेछु । मलाई थाहा छ, ईपीएलको भिडन्त प्रतिस्पर्धात्मक हुनेछ,’ माहरुफले भने ।

भारतका क्रिकेट कमेन्टेटर अरुणलालले ढिलै भए पनि नेपालमा आईसीसीको मान्यता प्राप्त क्रिकेट लिग हुनु गौरवको विषय भएको प्रतिक्रिया दिए । ‘यसले नेपाली खेलकुदमा आमूल परिवर्तन ल्याउनेछ । खेलकुद अर्को पुस्ता र देशका लागि पनि हो । यसले निजी क्षेत्रलाई पनि आकर्षित गरेको छ । ईपीएलले नेपालमा क्रिकेट संस्कृति निर्माणमा सहयोग पुग्नेमा दुविधा छैन,’ उनले भने ।

पहिलो संस्करणमा सामान्य रूपमा सञ्चालन भएको ईपीएलको दोस्रो संस्करण भप्य रूपमा आयोजना गरिन लागिएको हो । गत असारमा ईपीएलको घोषणा भएसँगै यसले क्रिकेट खेलाडीमा समेत उत्साह थपेको छ । ईपीएलमा ६ सहरमा फ्रेन्चाइज टोलीबाट बोलकबोल गरिएका र अनिवार्य तीनजना विदेशी खेलाडीले प्रतिस्पर्धा गर्नेछन् । टोलीमा एक÷एकजना मार्की खेलाडी र ‘ट्यालेन्ट हन्ट’ बाट अनिवार्य एक जना स्थानीय खेलाडी राख्नुपर्ने प्रावधानले ईपीएललाई थप रोचक बनाएको छ ।

प्रतियोगितामा स्वदेशी र विदेशीगरी एक सय जना खेलाडीको सहभागिता रहनेछ । १३ दिनसम्म चल्ने प्रतियोगिताको विजेता टोलीले २१ लाख रुपैयाँ पुरस्कार प्राप्त गर्नेछ । यसैगरी उपविजेता टोली र अन्य विधाका खेलाडीले समेत आकर्षक पुरस्कार हात पार्नेछन् । प्रतियोगिताको एपी वान एचडी टेलिभिजनले प्रत्यक्ष प्रसारण गर्नेछ । यो प्रतियोगितालाई टीभीएसले मुख्य प्रायोजन गरेको छ । सहभागी टोलीलाई पनि विभिन्न कर्पोरेट हाउसले साथ दिएका छन् ।

 

Annapurna post

Related News

राष्ट्रपति रनिङ सिल्डमा लुम्बिनी टिम च्याम्पियन
राष्ट्रपति रनिङ सिल्डमा लुम्बिनी टिम च्याम्पियन
  • ३ पुष २०७४, सोमबार

लुम्बिनी प्रदेशले १६ स्वर्ण, ११ रजत र ११ कांस्य जित्दै बिहीबार १२औँ केन्द्रीयस्तरीय राष्ट्रपति रनिङ सिल्ड खेलकुद प्रतियोगिताको उपाधि जितेको...

महिला भलिबलः साविक बिजेता न्यु डायमन्ड पराजित हुँदा एपिएफको लगातार दोस्रो जित
महिला भलिबलः साविक बिजेता न्यु डायमन्ड पराजित हुँदा एपिएफको लगातार दोस्रो जित
  • ३ पुष २०७४, सोमबार

त्रिपुरेश्वर स्थित राष्ट्रिय खेलकुद परिषद (राखेप) को कभर्ड हलमा सम्पन्न दिनको पहिलो खेलमा साविक विजेता न्यु डायमन्ड स्पोटर््स क्लब पोखराको...

भोलिदेखि सुरू हुने सुदूरपश्चिम खप्तड गोल्डकपको प्रथम पुरस्कार राशी २१ लाख
भोलिदेखि सुरू हुने सुदूरपश्चिम खप्तड गोल्डकपको प्रथम पुरस्कार राशी २१ लाख
  • ३ पुष २०७४, सोमबार

 धनगढीमा भोलिदेखि मुख्यमन्त्री सुदूरपश्चिम खप्तड गोल्डकप फुटबल प्रतियोगिता सञ्चालन हुने भएको छ । आयोजक सुदूरपश्चिम–११ स्पोर्टस क्लवले प्रतियोगिताको सम्पूर्ण तयारी...

TOP