१२ मंसिर २०७९, सोमबार
November 28, 2022, Monday

साफ यू–१९ महिला च्याम्पियनसिप : नेपाल भारतसँग भिड्दै

साफ यू–१९ महिला च्याम्पियनसिप : नेपाल भारतसँग भिड्दै

बङ्गलादेशमा जारी साफ यू–१९ महिला च्याम्पियनसिपमा आइतबार (आज) नेपालले भारतसँग प्रतिस्पर्धा गर्दैछ । ढाकास्थित शहीद सिपाही मुस्तोफा कमल स्टेडियममा अपरान्ह २ः४५ बजे हुने खेलमा नेपाल जितको खोजीमा छ ।

अपराजित यात्रा कायम राखेको नेपाललाई फाइनलमा स्थान बनाउन भारतलाई बराबरीमा रोके पुग्नेछ । भारत पनि नेपाललाई हराएर फाइनलमा स्थान बनाउने योजनामा छ । त्यसैले नेपालका लागि खेल महत्वपूर्ण छ ।

अघिल्ला तीन खेलमा नेपालले दुई जित र एक बराबर नजितासहित सात अङ्क बनाएको छ । भारतको समान खेलबाट ६ अङ्क छ । नेपाल लिग चरणको पहिलो खेलमा बङ्गलादेशसँग गोलरहित बराबरीमा रोकिएको थियो । दोस्रो खेलमा श्रीलङ्कालाई ६–० गोलले हराएको नेपालले तेस्रो खेलमा भुटानलाई ४–० गोलले स्तब्ध बनाएको थियो ।

यसैगरी पहिलो खेलमा श्रीलङ्कालाई ५–० र दोस्रो खेलमा भुटानलाई ३–० हराएको भारत तेस्रो खेलमा बङ्गलादेशसँग १–० गोलले पराजित भएको थियो । समान सात अङ्क बनाएको आयोजक बङ्गलादेशले पनि आजै श्रीलङ्कासँग प्रतिस्पर्धा गर्दैछ ।

च्याम्पियनसिपमा आयोजक बङ्गलादेशसहित नेपाल, भुटान, श्रीलङ्का र भारत सहभागी छन् । राउन्ड रोबिन लिगका आधारमा सञ्चालित च्याम्पियनसिपमा शीर्ष दुई टोलीबीच मङ्गलबार फाइनल भिडन्त हुनेछ ।यो समाचार गोरखापत्र बाट लिएको हो।

Related News

नेपालीले बजाउँछन् एक वर्षमा २६ करोडको बाद्ययन्त्र
नेपालीले बजाउँछन् एक वर्षमा २६ करोडको बाद्ययन्त्र
  • ४ पुष २०७८, आईतवार

नेपालले एक वर्षमा करिव २६ करोड रुपैयाँका विभिन्न बाद्ययन्त्रहरु आयात गर्ने गरेको पाइएको छ । नेपालले गत आर्थिक वर्ष २०७८/७९...

खडेरीले खेती सुकेपछि किसान चिन्तित
खडेरीले खेती सुकेपछि किसान चिन्तित
  • ४ पुष २०७८, आईतवार

पछिल्लो करिब एक महिना देखी परेको खडेरीले धान रोपेका खेत चिराचिरा परेर फुट्न थाले पछि पश्चिम नवलपरासीका किसानहरु चिन्तित बनेका...

शिवजीको प्रिय महिना साउन , के के गर्न सकिन्छ ब्रतमा
शिवजीको प्रिय महिना साउन , के के गर्न सकिन्छ ब्रतमा
  • ४ पुष २०७८, आईतवार

भगवान शिवको प्रिय महिना साउनको पहिलो सोमवार आराध्यदेव पशुपतिनाथ मन्दिरमा आज बिहानैदेखि भक्तजनहरुको भीड लागेको छ । विहानैदेखि भक्तजनहरुको उल्लेख्य...

TOP