यू–१९ पुरुष क्रिकेट प्रतियोगिताको उपाधि लुम्बिनी प्रदेशले उचाल्यो

वाई–वाई यू–१९ पुरुष क्रिकेट प्रतियोगिताको उपाधि लुम्बिनी प्रदेशले उचालेको छ ।

टियु क्रिकेट मैदानमा भएको फाइनलमा सुदुरपश्चिम प्रदेशलाई १ सय १३ रनले पराजित गर्दै लुम्बिनीले उपाधि हात पारेको हो ।

जितका लागि २ सय १३ रनको लक्ष्य पछ्याएको सुदुरपश्चिम २८ दशमलब ३ ओभरमा अलआउट हुदै केवल ९९ रनमा सिमित भयो ।

सुदुरपश्चिमका लागि लोकेश बमले सर्वाधिक २५ रन जोडे ।

सुदूरपश्चिम प्रदेशका लागि लोकेश बमले सर्वाधिक २५ रनको योगदान गरे । त्यस्तै खडक बोहोराले २१ रन जोड्दा शेर मल्ल्लले १५ रनको योगदान गरे

बलिङतर्फ लुम्बिनी प्रदेशका लागि अजय चौहानले सर्वाधिक ५ विकेट लिए । ५ ओभर ३ बल बलिङ गरेका उनले २० रन खर्चे ।

त्यस्तै दुर्गेश गुप्ताले तीन विकेट लिँदा मोहम्द हुशेनले दुई विकेट हात पारे

यसअघि टस हारेर पहिले ब्याटिङ गरेको लुम्बिनीले निर्धारित ५० ओभरमा सम्पूर्ण विकेट गुमाउँदै २१२ रन बनाएको थियो ।

लुम्बिनीका लागि ९५ बल खेलेका देवले ५ चौका र ४ छक्काको सहयोगमा ७० रनको अर्धशतकीय पारी खेले । ६९ बल खेलेका विशालले ४ चौका र २ छक्काको सहयोगमा ५१ रनको योगदान गरे । लुम्बिनीका लागि दुर्गेश गुप्ताले ३२ रन बनाउँदा प्रज्वल थापाले २४ रन जोडे ।

बलिङतर्फ सुदूरपश्चिमका लागि आकाश चन्दले सर्वाधिक तीन विकेट लिए । १० ओभर बलिङ गरेका उनले ४७ रन खर्चिए । शेर मल्ल र हेमन्त धामीले समान दुई–दुई विकेट लिए । नरेन साउँद र राहुल भण्डारीले समान एक–एक विकेट लिए ।