२८ श्रावण २०७९, शनिबार
August 13, 2022, Saturday

बङ्गुरपालकलाई बजार अभाव

बङ्गुरपालकलाई बजार अभाव

कञ्चनपुरमा बङ्गुरपालकको संख्या बढेसँगै बजारको अभाव हुन थालेको छ । बजार अभाव भएपछि बङ्गुरपालक सस्तोमै बङ्गुर बेच्न बाध्य भएका छन् । केही दिनअघि मात्रै चार हजार रुपैयाँमा विक्री हुने बङ्गुरका पाठाको मूल्य पछिल्लो समय आधाले घटेको छ । पछिल्लो समय बङ्गुरका पाठाको मूल्य दुई हजारमा झरेको बङ्गुर पालकहरू बताउँछन् । बङ्गुरको मासु प्रतिकेजी २८० रुपैयाँका दर पाउँदै आएकोमा पछिल्लो समय घटेर दुई सय रुपैयाँमा झरेको व्यवसायी बताउँछन् । ‘पहिले बङ्गुर र पाठा खरीदका लागि व्यापारी घरसम्मै आउँथे,’ एक दशकदेखि बङ्गुरपालन गर्दै आएका शुक्लाफाँटा नगरपालिका–८ बेलडाँडीका किसान तेजबहादुर चौधरीले भने, ‘यस वर्षको अहिलेसम्म बङ्गुर खरीदका लागि व्यापारी आएका छैनन् । बजार खोज्दै हिँड्नुपरेको छ ।’

चौधरीको फार्ममा पाठा र माउ गरी ५० भन्दाबढी बङ्गुर  छन् । बङ्गुर बेचेरै उनले वार्षिक तीन लाख रुपैयाँभन्दा बढी आम्दानी गर्दै आएका छन् । यहाँका किसानले ड्युरेक, पाख्रिवास, लेन्ड्रेसलगायत उन्नत जातका बङ्गुर पालन गर्दै आएका छन् । ‘दुई वर्ष कोरोना सङ्क्रमणका कारण बङ्गुरपालन व्यवसाय प्रभावित बन्यो,’ चौधरीले भने, ‘कोरोनाको सङ्क्रमण कम भएसँगै व्यवसाय अगाडि बढ्नेमा आशावादी थियौं । तर सोचेजस्तो भएन ।’

बङ्गुरपालन व्यवसायमा संलग्न किसान रूपा चौधरीले बङ्गुरपालन गर्ने धेरै र बजार साँघुरो भएपछि निकै समस्या भएको बताइन् । आफूले पालेका बङ्गुर कैलाली, बझाङ, अछामसम्म पनि पुग्ने गरेको उनले बताइन् ।

बजारमा बङ्गुरको माग थोरै र प्रतिस्पर्धा धेरै भएकाले  वर्षौंदेखि बङ्गुरपालन गर्दै आएका किसानले पेशा नै छोड्नुपर्ने अवस्था आएको दीपक चौधरीले बताए । बङ्गुरको बजार प्रवद्र्धनका लागि स्थानीय तह र सम्बद्ध सरकारी निकायले सहयोग गर्नुपर्ने बङ्गुरपालकहरू बताउँदै आएका छन् । रासस

Related News

नयाँ सारथी लघुवित्तको बोनस शेयर सूचीकृत
नयाँ सारथी लघुवित्तको बोनस शेयर सूचीकृत
  • ८ असार २०७९, बुधबार

 नयाँ सारथी लघुवित्त वित्तीय संस्थाको बोनस शेयर  नेप्सेमा सूचीकृत भएको छ। कम्पनीको ४ लाख ८४ हजार ४१२ दशमलव ६० कित्ता...

बीमा क्षेत्रको पहिलो मर्जर, हिमालयन र एभरेष्ट इन्स्योरेन्स गाभिएर गरे आजबाट एकीकृत कारोबार
बीमा क्षेत्रको पहिलो मर्जर, हिमालयन र एभरेष्ट इन्स्योरेन्स गाभिएर गरे आजबाट एकीकृत कारोबार
  • ८ असार २०७९, बुधबार

मर्जरपछि हिमालयन एभरेष्ट इन्स्योरेन्सले साउन १ गते बिहानबाट एकीकृत कारोबार सुरु गरेको छ। नियामक बीमा समितिले चुक्ता पुँजी वृद्धि अनिवार्य...

आयल निगमले धान्न नसक्ने गरी विश्व बजारमा तेलको मूल्यवृद्धि, नेपाली बजारमा के असर पर्ला
आयल निगमले धान्न नसक्ने गरी विश्व बजारमा तेलको मूल्यवृद्धि, नेपाली बजारमा के असर पर्ला
  • ८ असार २०७९, बुधबार

 पेट्रोल र डिजेलको लागत मूल्य २ सय नाघेपछि नेपाल आयल निगमलाई घाटा थपिन थालेको छ ।  इन्डियन आयल कर्पोरेशनले पठाएको...

TOP