२१ मंसिर २०७८, मंगलवार
December 7, 2021, Tuesday

आश्चार्यजनक अप्रेशन जुन नेपालमै सम्भव भयो

आश्चार्यजनक अप्रेशन जुन नेपालमै सम्भव भयो

त्रिवि शिक्षण अस्पताल महाराजगञ्जमा प्लास्टिक सर्जन डा ईश्वर लोहनी आफ्नै काममा व्यस्थ थिए । एक दिन अस्पतालमा हातको कान्छी औंला बाहेक सबै औंला काटिएको बिरामी उपचारका लागि आए ।

डा लोहनीले ति बिरामीलाई हेरे । बिरामीको हातका औंला काठ चिर्ने मेसिनले पुरै छिनाएको रहेछ । छिनेको औंला साथमा नल्याएका कारण डाक्टरले उनको हातमा तत्कालै औंला जोड्न सकेनन् ।

तर, डा लोहनीले ती औँलाले सहारा पाए समातेर गर्ने धेरै काममा सहजता आउला भन्ने महसुस गरे। उनले खुट्टाको औँला काटेर हातमा जोडिदिने प्रस्ताव बिरामीलाई सुनाए।

चिकित्सा विज्ञानमा धेरै प्रगति भइरहेको सुने पनि नेपालमै यस्तो शल्यक्रिया हुन्छ भन्ने कुरा धेरैले पत्याउँदैनन्। त्यसैले खुट्टाको औँला हातमा जोड्ने किसिमका सर्जरीका लागि बिरामीबाट अनुमति पाउन डा लोहनीको समूहलाई मुस्किल पर्ने गर्छ। तर, हातका औँला काटिएका ती बिरामीले भने डा लोहनीको प्रस्ताव स्वीकार गरे। त्यसपछि उनले खुट्टाको एउटा औँला काटेर हातको बुढी औंला भए ठाउँमा जोडिदिए। कान्छी औँला र बुढी औँला भएपछि अचेल उनलाई काममा निकै सहज भएको छ।

खुट्टाको औंला हातमा जोडेपछि ति बिरामीको अनुहारमा देखिएको खुसीको चमकलाई डाक्टर लोहनीले अझै भुल्न सकेका छैनन् । त्यसयता उनले धेरै बिरामीको छिनेको औंला जोडिसके तर ति बिरामीलाई भने अझै भुल्न सकेका छैनन् ।

डा लोहनीले दशैँमा मासु काट्दा बच्चाले हात अगाडि ल्याएपछि औँला छिनिएको केसको पनि सफल उपचार गरेका छन् । पछुट्टिएको औँलो पनि सँगै ल्याएर आएकाले ती बच्चाले औँला पुनः पाउन सके। यसरी औँला जोडेर पठाएका केस त औँलामा भाँचेर गन्न नसकिने जति गरिसके उनले।

डा लोहनी भन्छन्, ‘छिनेका औंला तथा हात जोड्ने शल्यक्रिया टिचिङमा हुन्छ तर धेरैलाई यो विषयमा अझै जानकारी छैन ।’ डा लोहनीले प्लाष्टिक सर्जरीका विषयमा मानिसहरुमा चेतना नहुँदा पनि उपचारमा आउनेको क्रम कम भएको बताए ।

Related News

जसले ९१ पटक रक्तदान गरे
जसले ९१ पटक रक्तदान गरे
  • १९ मंसिर २०७४, मंगलवार

विराटनगरका औषधि व्यवसायी हरिमोहन श्रेष्ठले ९१औँ पटक रक्त्तदान गरेका छन्। विराटनगर ट्राफिकचोकमा संगीता मेडिकल हल नामको औषधि पसल सञ्चालन गर्दै...

एकीकृत रामारोशन बिकास समाज कोटेश्वर काठमाडौ द्वारा रामारोशन गाउँपालिका अछाम लाई सहयोग
एकीकृत रामारोशन बिकास समाज कोटेश्वर काठमाडौ द्वारा रामारोशन गाउँपालिका अछाम लाई सहयोग
  • १९ मंसिर २०७४, मंगलवार

एकीकृत रामारोशन बिकास समाज कोटेश्वर काठमाडौ द्वारा रामारोशन गाउँपालिका अछाम क्षेत्रमा Covid-19 को सम्भाबित संक्रमण बाट वच्न र रोकथाम को...

धन्वन्तरी जयन्ती एवं राष्ट्रिय आरोग्य दिवस ललितपुर आयुर्वेदमा यसरी मनाईयो
धन्वन्तरी जयन्ती एवं राष्ट्रिय आरोग्य दिवस ललितपुर आयुर्वेदमा यसरी मनाईयो
  • १९ मंसिर २०७४, मंगलवार

सामाजिक विकास मन्त्रालय, प्रदेश सरकार, स्वास्थ्य निर्देशनालय,जिल्ला आयुर्वेद स्वास्थ्य केन्द्र, ताल्छिखेल, ललितपुरका तथा निजी आयुर्वेद कम्पनीहरुको संयुक्त सहभागितामा धन्वन्तरी जयन्ती...

TOP