२१ असार २०७९, मंगलवार
July 5, 2022, Tuesday

उच्च संक्रामक देखिएको ओमिक्रोन भेरियन्टलाई बेवास्ता नगर्न डब्लुएचओको आग्रह

उच्च संक्रामक देखिएको ओमिक्रोन भेरियन्टलाई बेवास्ता नगर्न डब्लुएचओको आग्रह

हालसम्मकै सबैभन्दा उच्च संक्रामक देखिएको ओमिक्रोन भेरियन्टलाई बेवास्ता गरिएकोमा विश्व स्वास्थ्य संगठन (डब्लुएचओ)ले चिन्ता व्यक्त गरेको छ । डब्लुएचओले हालसम्म ७७ वटा देशमा पुष्टि भइसकेको भेरियन्ट पहिले नै फैलिइसकेको हुन सक्ने भएकाले बेवास्ता गरिँदा अर्को लहरको जोखिम रहेको चेतावनी दिएको छ ।

ओमिक्रोन भेरियन्ट अझै धेरै देशमा हुन सक्ने, तर पत्ता लगाउन नसकिएको हुन सक्ने डब्लुएचओका प्रमुख टेड्रोस अधानोम गेब्रेयससको चेतावनी छ । उनले भनेका छन्, ‘ओमिक्रोन त्यो दरमा फैलिइरहेको छ, जुन यसअघिका संस्करणमा हामीले देखेका समेत थिएनौँ । अझै पनि हामी घातक नभएको भन्दै बेवास्ता गरीरहेका छौँ।’

डब्लुएचओका अधिकारीले भनेका छन्, ‘ओमिक्रोन तीव्र रूपमा फैलिरहेकाले पुनः एकपटक मानव स्वास्थ्य प्रणालीलाई ओझेलमा पार्न सक्छ ।’ ओमिक्रोनले अर्को संकट निम्त्याउने जोखिम बढाए भन्दै डब्लुएचओ र युएन एजेन्सीले कोभिडविरुद्धको बुस्टर डोजमा तीव्रता दिनसमेत आग्रह गरेको छ । ओमिक्रोन संक्रमण बिस्तारै घातकसमेत बन्दै गएको विज्ञहरूले बताउन थालेका छन् ।

बेलायतमा ओमिक्रोनबाट एकजनाको मृत्यु भइसकेको छ भने १० जना गम्भीर बिरामी भएर अस्पताल भर्ना भएका छन् । यसबाहेक भ्याक्सिनको पूर्ण मात्रा लगाएका व्यक्तिहरू पनि ओमिक्रोनबाट प्रभावित भइरहेको र अस्पताल भर्नादर बढेको समेत डब्लुएचआले कोभिड ब्रिफिङमा जनाएको छ ।

Related News

सरकारले कोरोना संक्रमण दर बढ्न थालेको भन्दै स्वास्थ्य शतर्कता अपनाउन आग्रह
सरकारले कोरोना संक्रमण दर बढ्न थालेको भन्दै स्वास्थ्य शतर्कता अपनाउन आग्रह
  • २ पुष २०७८, शुक्रबार

पछिल्लो समय छिमेकी देश भारतमा कोरोना संक्रमणको दर बढ्न थालेकोले पूर्ण रुपमा स्वास्थ्य शतर्कता अपनाउन आग्रह गरेको हो । स्वास्थ्य...

कोभिड–१९ रोकथाम र नियन्त्रणका लागि सरकारको भूमिका प्रशंसनीयः अध्यक्ष तिमिल्सिना
कोभिड–१९ रोकथाम र नियन्त्रणका लागि सरकारको भूमिका प्रशंसनीयः अध्यक्ष तिमिल्सिना
  • २ पुष २०७८, शुक्रबार

राष्ट्रियसभाका अध्यक्ष गणेश तिमिल्सिनाले चरणबद्ध रुपमा फैलिँदै गएको कोभिड–१९ रोकथाम र नियन्त्रणका लागि नेपाल सरकारले गरेका कार्यहरु महत्वपूर्ण र प्रशंसनीय...

२४ घण्टामा ११ सय ८४ सङ्क्रमित, पाँच हजार १०३ निको, ११ को मृत्यु
२४ घण्टामा ११ सय ८४ सङ्क्रमित, पाँच हजार १०३ निको, ११ को मृत्यु
  • २ पुष २०७८, शुक्रबार

पछिल्लो २४ घण्टामा ११ सय ८४ जनामा कोरोना सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार आठ हजार...

TOP