१६ मंसिर २०७८, बिहीबार
December 2, 2021, Thursday

कसरी कमाउछन् यी ६ बर्षका बच्चाले १ अर्ब ?

कसरी कमाउछन् यी ६ बर्षका बच्चाले १ अर्ब ?

एकजना ६ वर्षको बच्चाले कति कमाउन सक्छ ? तपाईंले सोच्न सक्नुहुन्छ यति सानो उमेरको बच्चा पनि काम गर्न सक्छ र ?

तर, रेयान हरेक साता युट्यूबमा खेलौना सामाग्रीको रिभ्यू गर्छन् र यसका लागि सम्बन्धित कम्पनीले उनका आमा बुवालाई राम्रो रकम प्रदान गर्छ ।

रेयानले गत वर्ष ११ मिलियन डलर कमाएका थिए । नेपाली रुपैयाँमा यो रकम १ अर्ब १० करोडभन्दा बढी हो ।

र, यसको कारण पनि हो, युट्यूबमा रेयानको भिडियो कराडौंले हेर्छन् । ६ वर्षका वालक रेयान ट्वायजरिभ्यू नामक एक युट्यूब च्यानल चलाउँछन् ।

यस युट्यूब च्यानलको माध्यमबाट रेयान आफ्ना युअर्सलाई खेलौनाको दुनियाँमा लैजान्छन् ।

फोर्व्स म्यागाजिनले उनलाई सन् २०१७ मा संसारका सबैभन्दा धेरै आम्दानी गर्ने सेलिबि्रटीको सूचीमा समेत राखेको छ ।

मार्च २०१५ मा सुरु भएको रेयान ट्वायजरिभ्यूका भिडियो अहिलेसम्म १६ अर्वभन्दा बढी मानिसले हेरिसकेका छन् ।

तर, यति चर्चित हुनाका बाबजुद रेयानको बारेमा दुनियालाई धेरै जानकारी छैन ।

उनको पूरा नाम के हो र उनी कहाँ बस्छन् ? यस्ता प्रश्नको जवाफ थोरै मानिसलाई थाहा छ । केवल यति थाहा छ कि उनी अमेरिकी हुन् ।

हालै वासिङटन पोष्टलाई दिएको अन्तर्वार्तामा रेयानकी आमाले भनिन्, ‘युट्युब च्यानलको सोच उ तीन वर्षको हुँदा आएको थियो, रेयान सानैदेखि खेलौनाको रिभ्यू गर्ने टिभी च्यानलहरु निक्कै हेर्ने गर्थ्यो ।’

रेयानकी आमाले आफ्नो पहिचान सार्वजनिक गर्न अस्वीकार गर्दै थपिन्, ‘एक दिन रेयानले मसँग भन्यो कि अन्य बच्चाहरु जस्तै म युट्यूबमा किन छैन ? र हामीले उसलाई भन्यौं कि हामी पनि यो गर्न सक्छौं । हामी खेलौनाको पसलमा गयौं, त्यहाँबाट लिगो ट्रेन किनेर ल्याएपछि त्यहीँबाट यस्तो सुरुवात भयो ।’

रेयानको एउटा भिडियो ८० करोडभन्दा बढीले हेरिसकेका छन् ।

मार्च २०१५ मा सुरु भएको उनको युट्युव च्यानलको सस्क्राइबर सन् २०१६ को सुरुवातसम्म आइपुग्दा १० लाख भन्दा बढी भइसकेको थियो । अहिले रियानको च्यानलका एक करोडभन्दा बढी सस्क्राइबर छन् ।
Agency

Related News

मानिसको आँखा कति मेगापिक्सेलको हुन्छ ?
मानिसको आँखा कति मेगापिक्सेलको हुन्छ ?
  • २९ मंसिर २०७४, शुक्रबार

हाम्रो शरीरको महत्वपूर्ण अंग आँखा हो। यसले हामीलाई संसार देखाउँछ। हाम्रो आँखा करिब २० लाख अलग–अलग भाग मिलेर बनेको हुन्छ।...

विश्वकै सबैभन्दा अग्ली महिला टर्किमा
विश्वकै सबैभन्दा अग्ली महिला टर्किमा
  • २९ मंसिर २०७४, शुक्रबार

टर्कीका एक २४ वर्षिया महिला विश्वकी सबैभन्दा अग्ली महिलाको उपाधि जित्न सफल भएकीछन् । हालै गिनिज वलर्ड रेकर्ड्सले सात फिट...

गुणज्ञ नेपालद्वारा सरकारी विद्यालयका वञ्चित विद्यार्थीहरूमा आईसीटी सामग्री सहयोग
गुणज्ञ नेपालद्वारा सरकारी विद्यालयका वञ्चित विद्यार्थीहरूमा आईसीटी सामग्री सहयोग
  • २९ मंसिर २०७४, शुक्रबार

गुणज्ञ नेपाल काठमाडौँ ( पिङ्गलास्थान )ले मन्थली नगरपालिका–०८, रामेछापमा रहेको सरकारी विद्यालय जगदम्बा आधारभूतमा सोमबार स्टेशनरी सामानहरू तथा विद्यार्थीको सिकाईमा...

TOP