- अनामनगर, काठमाण्डौ,नेपाल
- news@universalonlinetv.com
१६ आश्विन २०७९, आईतवार
October 2, 2022, Sunday
कफीको फोहोरबाट निकालिएको तेल प्रयोग गरी यात्रुबस गुडाइएको छ । बेलायतको लण्डनमा कफीको तेलबाट केही सार्वजनिक बस गुडाउन थालिएको हो ।
कफी पसल, सुपरमार्केट तथा कफी उद्योगहरुमा खेर गई फोहोरको रुपमा परिणत भएको कफीको फोहोरलाई प्रशोधन गरी निकालिएको तेललाई जैविक इन्धनको रुपमा गाडीमा प्रयोग गरिएको छ ।
अहिले यो प्रारम्भिक परीक्षणको चरणमा रहेको छ । लण्डनस्थित टेक्नोलोजी फर्म बायो बिन लिमिटेडका अनुसार एक वर्षमा एउटा बसलाई उर्जा प्रदान गर्नका लागि पर्याप्त मात्रामा कफीको उत्पादन गरिएको छ । ट्रान्सपोर्ट फर लण्डन (टिएफएल) सार्वजनिक सवारी साधनबाट हुने उत्सर्जन घटाउनका लागि जैविक इन्धनको बढीभन्दा बढी प्रयोग गर्ने दिशातर्फ अघि बढिरहेको छ ।
बायो बिनका अनुसार, बेलायतको लण्डनबासीले एक वर्षमा २ लाख टन कफीको फोहोर निकाल्छन् । कम्पनीले कफी पसल तथा कफी उद्योगहरुबाट कफीको फोहोर जम्मा गर्दछ र आफ्नो कारखानामा यसबाट तेल निकाल्छ । त्यसपछि त्यसलाई डिजेलमा मिसाएर बी ट्वान्टी जैविक इन्धनमा परिणत गरिन्छ ।
आफूहरुले फोहोरलाई स्रोतका रुपमा प्रयोग गर्न सकिने गतिलो उदाहरण प्रस्तुत गरेको दाबी बायो बिनका संस्थापक आर्थर केयको रहेको छ ।
एजेन्सी
वैदेशिक रोजगार विभागका महानिर्देशक शेषनारायण पौडेलले आर्थिक वर्ष २०७८/०७९ मा विदेश जाने श्रमिकको संख्या ३.६८ गुणाले वृद्धि भएकोबताएका छन् । शुक्रवार...
चिनियाँ विदेश मन्त्रालयले शुक्रबार अमेरिकी विदेशमन्त्री एन्टोनी ब्लिन्केनलाई अमेरिकी अधिकारीले बेइजिङको प्रभावलाई सन्तुलनमा राख्न कारबाही गर्न आह्वान गरेको भाषण सार्वजनिक...
सन फ्रान्सिस्को (अमेरिका) । के तपाई आइफोन १४ किन्ने विचारमा हुनु हुन्छ । आइफोन १४ कहिले आउला र किनौंला वा...
