कुवेतद्वारा एकै महिनामा करिब दुई हजार विदेशी देश निकाला

कुवेतले कानून उल्लंघन गरेको आरोपमा एकै महिनामा करिब दुई हजार विदेशीलाई देश निकाला गरेकोे छ । कुवेतका स्थानीय सञ्चार माध्यमहरूका अनुसार सन् २०२२ को जनवरी महिनामा मात्रै १ हजार ७ सय ६४ जना आप्रवासीलाई देश निकाला गरेको छ । अरब टाइम्सका अनुसार जनवरी महिनामा देश निकाला गरिएका १ हजार ७ सय ६४ विदेशीमध्ये १ हजार ५८ जना पुरुष र ७ सय ६ महिला रहेका छन् । 

कुवेतका गृहमन्त्री शेख थामेर अल–अलीलेको नेतृत्वमा अवैज्ञानिक विदेशी कामदार तथा आप्रवासी निकाल्न थालिएको बताईएको छ।देशको शान्ति सुरक्षा कायम गर्न कानून उल्लंघन गर्ने पक्राउ परेकालाई कानूनी कारबाही अघि बढाइएको गृह मन्त्रालयले जनाएको छ ।

कुवेतको गृह मन्त्रालयले गत वर्ष सेप्टेम्बरदेखि अवैधानिक विदेशी धरपकड अभियान थालेको थियो । पक्राउ गरिएका विदेशीहरूको राष्ट्रियता नखुलेको भएपनि पक्राउ पर्नेहरूमा अवैधानिक हैसियतले बसेका नेपालीहरू पनि रहेको नेपालीहरूको अनुमान छ ।