२८ श्रावण २०७९, शनिबार
August 13, 2022, Saturday

बंगलादेशी कामदार लैजाने मलेसियाको तयारी तीब्र

बंगलादेशी कामदार लैजाने मलेसियाको तयारी तीब्र

गत डिसेम्बर १० मा मलेसियामा बंगलादेशी कामदार भर्ना गर्नका लागि बंगलादेशको प्रवासी कल्याण तथा वैदेशिक रोजगार मन्त्रालय र मलेसिया सरकारबीच सम्झौता गर्ने सहमति भयो । यो सहमति पछि अहिले बंगलादेशबाट मलेसियामा कामगार लैजाने तैयारी तिब्र भएको छ । 

यसअघि सहमति भइसकेको वृक्षारोपण क्षेत्रबाहेक सबै क्षेत्रमा विदेशी कामदार भर्ना खुला गर्ने सहमति भएको सार्वजनिक भएपछि विगत तीन वर्षदेखि नयाँ कामदार जान नपाएको नेपालमा पनि त्यसले एक प्रकारको  खुशी ल्यायो । मलेसियाले विदेशी कामदारका लागि वृक्षारोपण, कृषि, उत्पादन, सेवा, खानी तथा उत्खनन्, निर्माण र घरेलु कामदारहरूका लागि भर्ना खुला हुने बताएको छ ।

तर शुक्रबार आयोजित नेपाली राजदूतावास मलेसियाको नियमित साप्ताहिक फेसबुक लाइभमा मलेसियामा नयाँ कामदारको भर्ना खुला भएकोबारे नेपाली दूतावासलाई कुनै जानकारी नआएको बताइयो ।

कार्यक्रममा नेपाली कामदारहरू मध्ये अधिकांशले नयाँ कामदार भर्ना कहिले खुल्छ ? भन्दै जिज्ञासा राखेका थिए । उनीहरूले यसअघि लामो समयदेखि चर्चामा रहेको सन् २०२२ देखि मलेसियामा कामदारको तलब बढ्ने विषयमा पनि चासो रोखे । तर दुवै प्रश्नमा मलेसियास्थित नेपाली दूतावासका द्वितीय सचिव प्रदीप कार्कीले दूतावासलाई केही जानकारी नरहेको बताए ।

नेपाल र मलेसियाबीच शुन्य लागतमा कामदार लैजाने विषयमा तत्कालीन श्रम, रोजगार तथा समाजिक सुरक्षा मन्त्री गोकर्ण विष्टको कार्यकालमा सम्झौता भएको थियोे । तर त्यसपछि उक्त सम्झौता अनुसार एक जना नेपाली कामदार पनि मलेसियामा रोजगारीका लागि जान पाएका छैनन् । 

मलेसियाको रोजगारीमा लामो समयदेखि संलग्न वैदेशिक रोजगार व्यवसायी कुमुद खनालले पछिल्ला दिनमा मलेसिया बंगलादेशबाट कामदार लैजाने योजनामा लागेको समाचार मलेसियाका सञ्चारमाध्यमबाट आइरहेको बताए ।

बंगलादेशले मलेसियाको स्वास्थ्य मन्त्रालय र राष्ट्रिय सुरक्षा परिषद्सँग मिलेर विदेशी कामदारको प्रवेशका लागि स्थायी प्रक्रिया परिमार्जन गर्न काम गरी कामदार पठाउने बताइएको छ ।

मलेसियाको फ्रि मलेसिया टुडे अनलाइनले बंगलादेशसँग गर्न लागिएको कामदार ल्याउने सम्झौताको मस्यौदा आफुले प्राप्त गरेको भन्दै बंगलादेशबाट कामदार ल्याउँदाको सबै खर्च शुरूमा मलेसियाका रोजगारदाताले व्यहोर्ने तर कामदारको मासिक तलबबाट खर्च काट्ने उल्लेख रहेको समाचार छापेको छ । 

समाचारले बंगलादेशबाट कामदार मलेसिया पुगेपछि रोजगारदाताले मासिक तलबको ५० प्रतिशतभन्दा बढी नहुने गरी तलबमा कटौती गर्न पाउने उल्लेख गरेकोे छ । मलेसियन रोजगारदाताले अध्यागमन प्रासेसिङ शुल्क, अल्पकालीन रोजगारको भिजिट पास वापतको शुल्क, सामाजिक सुरक्षा बीमा रकम, विदेशी कामदारको स्वास्थ बीमा शुल्क र अन्य बीमा शुल्क, मलेसियामा हुने स्वास्थ्य परीक्षण शुल्क, अध्यागमन किलिरेन्स शुल्क, जहाज भाडा, एटेस्टेशन शुल्क, कोभिड परीक्षण शुल्क र स्थानीय तहमा लाग्ने शुल्क कामदारको तलबबाट कटाउन पाउने समाचारमा उल्लेख छ ।मध्यान्ह

Related News

विदेश जानेको संख्या २८ वर्ष यताकै धेरै, ३० % नक्कली पिडित बने विभागको टाउको दुखाइ
विदेश जानेको संख्या २८ वर्ष यताकै धेरै, ३० % नक्कली पिडित बने विभागको टाउको दुखाइ
  • ५ पुष २०७८, सोमबार

वैदेशिक रोजगार विभागका महानिर्देशक शेषनारायण पौडेलले आर्थिक वर्ष २०७८/०७९ मा विदेश जाने श्रमिकको संख्या ३.६८ गुणाले वृद्धि भएकोबताएका छन् । शुक्रवार...

अमेरिकी विदेशमन्त्रीको अभिव्यक्ति अस्वाभाविकः चिनियाँ विदेश मन्त्रालय
अमेरिकी विदेशमन्त्रीको अभिव्यक्ति अस्वाभाविकः चिनियाँ विदेश मन्त्रालय
  • ५ पुष २०७८, सोमबार

 चिनियाँ विदेश मन्त्रालयले शुक्रबार अमेरिकी विदेशमन्त्री एन्टोनी ब्लिन्केनलाई अमेरिकी अधिकारीले बेइजिङको प्रभावलाई सन्तुलनमा राख्न कारबाही गर्न आह्वान गरेको भाषण सार्वजनिक...

घरेलु महिला श्रमिक स्वदेश आएर पुनः फर्कन पाउने
घरेलु महिला श्रमिक स्वदेश आएर पुनः फर्कन पाउने
  • ५ पुष २०७८, सोमबार

सरकारले विभिन्न मुलुकमा घरेलु कामदारका रूपमा रहेका नेपाली महिला श्रमिकलाई स्वदेश आएर पुनः फर्कन पाउने व्यवस्था गरेको छ । श्रम,...

TOP