अमेरिकाको हवाइमा मिसाइल खस्ने हल्लाले खैलाबैला मच्चियो

Universal Online TV
प्रकाशित मिती: ३० पुष २०७४, आईतवार

आकस्मिक कार्यप्रणालीबाट शनिबार बिहान ब्यालेष्टिक मिसाइल खस्ने सतर्कताको घण्टी बजेपछि अमेरिकाको हवाइमा कोलाहल मच्चिएको थियो ।

नागरिकले आफूहरु कठिन समयमा रहेको महसुस गरेका थिए । कतिपय बेहोस भएको र कतिपय अत्तालिएको पनि बीबीसीले जनाएको छ । अधिकारीहरुले सतर्कताको घण्टी अचानक बजेकोमा माफी मागेका छन् ।

किन सतर्कताको घण्टी बजेको थियो ?
त्यो घण्टी हवाइको इमर्जेन्सीमा काम गर्ने एक कर्मचारीले आफ्नो कामको पालो फेर्दा गलत बटम थिचेका कारण भएको जनाइएको छ ।

मोबाइल प्रयोगकर्ताले बिहान ८ बजेर ७ मिनेटमा ‘हवाइमा ब्यालेस्टिक मिसाइलको खतरा आएको छ’, तुरुन्त आकस्मिक बासस्थान खोज्नुहोस ’ भन्ने सूचना प्राप्त गरेका थिए ।

होनोलुलुका स्टार विज्ञापनदाताका अनुसार त्यो सूचनालाई १८ मिनेटपछि इमेलमार्फत सच्याइएको थियो । तर ३८ मिनेटसम्म त्यो सूचनालाई कसैले फलोअप गरेका थिएनन् उत्तर कोरियाको मिसाइल कार्यक्रमले हवाइमा सतर्कताको घण्टीलाई प्रणलीमा राखिएको बीबीसीले जनाएको छ ।

सूचनापछि धेरै ठाउँमा त्यहाँका नागरिक आत्तिने, भूमिगत हुने र सुरक्षित ठाउँ खोज्दै दौडिएका थिए । हवाइका गभर्नर डेभिड इगले नागरिकमा त्रास र अन्योल फैलिएको भन्दै माफी मागेका छन् ।