१८ माघ २०७९, बुधबार
February 1, 2023, Wednesday

माथिल्लो तामाकोशीको उत्पादन दिनमा भन्दा रातमा बढी

माथिल्लो तामाकोशीको उत्पादन दिनमा भन्दा रातमा बढी

 राष्ट्रिय गौरवको चार सय ५६ मेघावाटको माथिल्लो तामाकोशी जलविद्युत् आयोजनाको उत्पादन दिनमा भन्दा रातमा बढी हुनेगरेको छ । जिल्लाको बिगु गाउँपालिका–१ लामाबगरमा रहेको यस आयोजनाले गत असार २१ गतेदेखि उत्पादन सुरु गरेको थियो ।

आयोजनाले दिउँसोको तुलनामा रातको समयमा धेरै विद्युत् उत्पादन गर्नेगरेको जनाएको छ । रातको समयमा आयोजनाले हाल रातमा तीन सय ५० देखि चार सय ५६ मेगावाटसम्म विद्युत् उत्पादन गर्ने गरेको छ । दिँउसोको समयमा भने आयोजनाले ३० देखि ४० मेगावाट मात्र विद्युत् उत्पादन गर्नेगरेको आयोजनाका वरिस्ठ प्रशासन प्रमुख मित्रमणि पोखरेले जानकारी दिए । पोखरेलका अनुसार दिउँसोको तुलनामा राति धेरै विद्युत् खपत हुने हुँदा राति दैनिक तीन सय मेगावाटभन्दा माथि विद्युत् उत्पादन हुनेगरेको छ । बिहान र दिउँसोको समयमा भने खपत कम हुनेहुँदा उत्पादन पनि कम हुनेगरेको उनले बताए । आयोजनाको अहिले सबै युनिटले उत्पादन दिने गरेको उनले बताए । गत असारबाट पहिलो युनिटबाट उत्पादन थालिएको आयोजनाको भदौ अन्तिमसम्ममा छवटै युनिट सञ्चालनमा आएका थिए । आयोजनाका सबै उत्पादन राष्ट्रिय प्रसारण प्रणालीमा जोडिएको छ ।

छवटै युनिटले उत्पादन सुरु गरेसँगै अहिले पूर्ण क्षमतामा सञ्चालनमा आएको हो । आयोजनाले अहिले पनि पिकआवरमा रातिको समय र बिहानको समय चार सयभन्दा माथि उत्पादन दिनेगरेको छ । दिउँसो भने कम उत्पादन हुने गरेको हो । मानिसले धेरै विद्युत् प्रयोग गर्दा आयोजनाको उत्पादन बढ्ने तथा कम प्रयोग गर्दा कम घट्ने क्रममा निरन्तर चलिरहेको आयोजनाको भनाइ छ । यस्तै विद्युत्को लागि यो समय कम उत्पादन हुने समय भएकाले पनि दिउँसो कम उत्पादन हुने गरेको हो । मंसिरदेखि जेठसम्म सुक्खा समय हुने हुँदा पानीको सतह घट्दै जाने हुँदा पिकआवरबाहेक उत्पादन घट्नु स्वभाविक रहेको आयोजना प्रशासन प्रमुख पोख्रेलले बताए । आयोजनाबाट उत्पादित विद्युत् विद्युत्गृहदेखि दुर्ई सय २० केभी गोंगर–खिम्ती डबल सर्किट प्रसारण लाइनबाट न्यू खिम्ती सबस्टेसनसम्म तथा त्यहाँबाट दुई सय २० केभी प्रसारण लाइनबाट खिम्ती–ढल्केबर प्रसारण लाइनमार्फत चार सय/दुई सय २० केभी ढल्केबर सब–स्टेसनसम्म लगिएको छ ।arthik

Related News

शिक्षामा उत्कृष्ट परियोजनाको अनुसन्धान र विकासमा आइपिडिएफले पहल गर्ने
शिक्षामा उत्कृष्ट परियोजनाको अनुसन्धान र विकासमा आइपिडिएफले पहल गर्ने
  • १९ माघ २०७८, बुधबार

इन्टरनेसनल प्रोजेक्ट डेभेलपमेन्ट फोरम, आइपिडिएको प्रथम बार्षिक उत्सव तथा विशिष्ट ब्यक्तित्व सम्मान कार्यक्रमको अवसरमा स्वागत मन्तब्य दिनुहुदै संस्थाका उपाध्यक्ष भवानी...

काठमाण्डौ क्षेत्र नं ३ वाट शुशिला पौडेल र महेश्वर फुयल सिफारिस
काठमाण्डौ क्षेत्र नं ३ वाट शुशिला पौडेल र महेश्वर फुयल सिफारिस
  • १९ माघ २०७८, बुधबार

नेकपा माओवादी केन्द्रले काठमाण्डौ जिल्ला समन्वय समितिले आगामी मंसिर ४ गते हुने प्रतिनिधि सभा सदस्य निर्वाचनको लागि काठमाण्डौ क्षेत्र नं...

बागमती र गण्डकीका केही स्थानमा बिहानैदेखि वर्षा
बागमती र गण्डकीका केही स्थानमा बिहानैदेखि वर्षा
  • १९ माघ २०७८, बुधबार

हाल बागमती प्रदेश र गण्डकी प्रदेशका एक-दुई स्थानमा मेघ गर्जन/चट्याङसहित हल्का वर्षा भइरहेको छ। जल तथा मौसम विज्ञान विभागका अनुसार...

TOP