सैनामैनामा एक युवतीले गरिन अत्महत्या

रुपन्देहीको सैनामैनामा एक युवतीले आत्महत्या गरेकी छन् । सैनामैना नागरपालिका ५ प्रगतिटोल निवासी १७ वर्षिय विनिसा सुनारलाई आज (बुधवार) आफ्नै घरमा झुन्डिएको अवस्थामा फेला परेको ईलाका प्रहरी कार्यालय रन्यौराका प्रहरी निरिक्षक जिवन लामिछानेले जानकारी दिए ।

हिजो (मंगलवार) खाना खाएर सबै परिवार सुतिसकेपछि उनी विहान ढिलो सम्म पनि नउठ्दा परिवारले ढोका खोलेर हेर्दा उनी झुन्डिएको अवस्थामा फेला परेकी थिईन । दिउसो १ बजे मात्र परिवारले प्रहरीलाई खबर गरेपश्चात प्रहरी घटनास्थलमा पुगेको थियो । 

मृतकको शव पोस्टमार्टमका लागि लुम्बिनी प्रादेशिक अस्पतालमा पठाईएको छ भने घटनाको कारण बारे थप अनुसन्धान भईरहेको प्रहरीले जनाएको छ ।