१२ मंसिर २०७९, सोमबार
November 28, 2022, Monday

बतास समूहसँग गरिएको सम्झौता खारेज गर्न सिफारिस

बतास समूहसँग गरिएको सम्झौता खारेज गर्न सिफारिस

पशुपति धर्मशाला सञ्चालनका लागि बतास समूहसँग गरिएको सम्झौता खारेज गर्न छानबिन समितिले सिफारिस गरेको छ ।
सोमबार संस्कृति, पर्यटन तथा नागरिक उडड्यन मन्त्रालयमा आयोजित पत्रकार सम्मेलनमा छानबिन समितिले मन्त्रालयका सचिव महेश्वर न्यौपानेलाई बुझाएको प्रतिवेदनमा सो धर्मशाला बतास समूहलाई सञ्चालन गर्न दिने सम्झौता खारेज गर्न सिफारिस गरिएको हो ।
केही दिनदेखि बतास समूहले पशुपति विकास कोषसँग धर्मशाला भाडामा लिएर महँगोमा होटल चलाएको भन्दै व्यापक आलोचना भएपछि संस्कृति, पर्यटन तथा नागरिक उड्डयन मन्त्रालयले छानबिनका लागि समिति बनाएको थियो ।
समितिले सात दिनमा उक्त प्रतिवेदन बुझाएको हो । प्रतिवेदन बुझ्दै पर्यटन मन्त्रालयका सचिव न्यौपानले गैरकानुनी र मिलेमतो भएको ठहरसहित सम्झौता खारेज गर्न छानबिन समितिले सिफारिस गरेको बताए । उनले पर्यटनमन्त्री परिषद्को अध्यक्ष भएकाले कारबाही गर्ने कुरा परिषद्को बैठकले निर्णय गर्ने बताए ।
सचिव न्यौपानेले भने, “पशुपति विकास कोष र बतास समूहबीच धर्मशाला सञ्चालन भएको सम्झौता गैरकानुनी र मिलेमतो भएको ठहरसहित सम्झौता खारेज गर्न समितिले सिफारिस गरेको छ । अब त्यहीअनुसार परिषद्को बैंठकमा निर्णय हुन्छ । परिषद्को अध्यक्ष पर्यटनमन्त्री हुनुहुन्छ । उहाँको निर्देशन वा आदेशअनुसार कारबाहीको प्रक्रिया अगाडि बढ्छ । मन्त्रालय यो विषयमा परिषद्लाई सहयोग गर्न तयार छ ।”
पशुपति बिकास क्षेत्र कोषका कोषाध्यक्ष तथा छानबिन समितिका संयोजक नारायणप्रसाद सुवेदीले कोष र बतास समूहबीचमा भएको सम्झांताका सर्तरूरु निर्धारण गर्दा कानुनबमोजिम पदीय दायित्व निर्वाह नभएको बताए ।
उनले यसरी कोषलाई हानी नोक्सानी पु¥याउने कर्मचारीलाई र अनाधिकृत सम्झौता कानुन सम्मत भनी छापा तथा विद्युतीय माध्यममा प्रवाह भएको देखिएकाले तत्कालीन पदाधिकारी समेतलाई कारबाही गर्ने देखिएको बताए ।
संयोजक सुवेदीले धर्मशाला निर्माण गर्दा सम्झौताबमोजिम बेडको संख्या र दररेटसमेत आफू खुसी निर्धारण गरेको तथा सम्झौताभन्दा बाहिर गएर अन्य विभिन्न संरचना बताएको पाइएको बताए ।
नेपाल–भारतमैत्री धर्मशाला भारत सरकारको ४० करोड रुपैयाँको लागतमा निर्माण भएको हो । धर्मशाला नितान्त धर्मशालाको रूमपा प्रयोग गर्नुपर्ने भए पनि यहाँ गाडीको ग्यारेजसमेत निर्माण गरेको सो समितिले जनाएको छ । कारोबार

Related News

काठमाण्डौ क्षेत्र नं ३ वाट शुशिला पौडेल र महेश्वर फुयल सिफारिस
काठमाण्डौ क्षेत्र नं ३ वाट शुशिला पौडेल र महेश्वर फुयल सिफारिस
  • ४ माघ २०७८, मंगलवार

नेकपा माओवादी केन्द्रले काठमाण्डौ जिल्ला समन्वय समितिले आगामी मंसिर ४ गते हुने प्रतिनिधि सभा सदस्य निर्वाचनको लागि काठमाण्डौ क्षेत्र नं...

बागमती र गण्डकीका केही स्थानमा बिहानैदेखि वर्षा
बागमती र गण्डकीका केही स्थानमा बिहानैदेखि वर्षा
  • ४ माघ २०७८, मंगलवार

हाल बागमती प्रदेश र गण्डकी प्रदेशका एक-दुई स्थानमा मेघ गर्जन/चट्याङसहित हल्का वर्षा भइरहेको छ। जल तथा मौसम विज्ञान विभागका अनुसार...

नेपालीले बजाउँछन् एक वर्षमा २६ करोडको बाद्ययन्त्र
नेपालीले बजाउँछन् एक वर्षमा २६ करोडको बाद्ययन्त्र
  • ४ माघ २०७८, मंगलवार

नेपालले एक वर्षमा करिव २६ करोड रुपैयाँका विभिन्न बाद्ययन्त्रहरु आयात गर्ने गरेको पाइएको छ । नेपालले गत आर्थिक वर्ष २०७८/७९...

TOP