पृथ्वीनारायण शाहका दिब्य उपदेशको उपेक्षाका कारण राजनीति असन्तुलन : पूर्वराजा ज्ञानेन्द्र

पूर्वराजा ज्ञानेन्द्र शाहले पृथ्वीनारायण शाहका दिब्य उपदेशका उपेक्षाका कारण देशको राजनीतिमा असन्तुलन आएको बिचार व्यक्त गर्नु भएको छ ।

पृथ्वी जयन्तीको पूर्वसन्ध्यामा आज एक सन्देश जारी गर्दै पूर्वराजा शाहले गणतान्त्रिक शासन व्यवस्थाप्रति घुमाउरो असन्तोष समेत व्यक्त गर्नु भएको छ ।

‘जन इच्छा र प्रगतिसँग सरोकार नराख्ने प्रणालीका नाम जनतन्त्र, जनवाद, लोकतन्त्र, गणतन्त्र जनगणतन्त्र जेसुकै चयन गरिउन्, यसले राष्ट्रहित र जनसेवाको चरित्र धारण गरेको छैन भने त्यो निरर्थक सावित हुनेछ ।’ जारी सन्देशमा भनिएको छ ।

उहाँले सबैभन्दा उन्नत दाबी गरिएको तन्त्रमा जनताले सास्ति र राष्ट्रले अस्तित्वप्रति नै चिन्ता गर्नुपर्ने परिस्थिति बन्छ भने त्यस्तो तन्त्रमा अभ्यासको व्यर्थ प्रयासमा समय बरबाद गर्नु ठीक नभएको उल्लेख गर्नु भएको छ ।यो समाचार हिमालय टाइम्स बाट लिएको हो।