भाइब्रेन्ट गुजरात ग्लोबल समिट स्थगित ;प्रधानमन्त्री देउवाको भारत भ्रमण रोकियो

प्रधानमन्त्री शेरबहादुर देउवा सहभागी हुने भनिएको भारतको गुजरातमा आयोजना गरिएको भाइब्रेन्ट गुजरात समिट स्थगित भएको छ ।

पछिल्लोसमय भारतमा बढ्दो कोरोना भाइरसको नयाँ भेरियण्ट ओमिक्रोन संक्रमणको जोखिमका कारण जनवरी १० देखि आयोजना हुने दशौं भाइब्रेन्ट गुजरात ग्लोबल समिट स्थगित भएको भारतीय सञ्चारमाध्यमले जनाएको छ ।

प्रधानमन्त्री देउवा तीन दिने भारत भ्रमणको सिलसिलामा आइतबार त्यसतर्फ जाने तयारी गरेका थिए । उनको भ्रमणमा दलमा ३० जना रहने र भारत भ्रमणका बेला केही सम्झौतामा हस्ताक्षर समेत गर्ने तयारी गरिएको थियो । 

सम्मेलनका लागि व्यापक तयारी भइसकेको र ५ देशका राष्ट्रपति वा प्रधानमन्त्री साथै १५ जना विदेश मन्त्रीसहित उद्योगी, व्यवसायी र बैंकर्सहरु आउने सुनिश्चित भइसकेको थियो । गुजरात सरकारले कोभिडको बढ्दो संक्रमणलाई जनाउँदै कार्यक्रम स्थगित गरेको जनाएको छ ।

काठमाडौँ । प्रधानमन्त्री शेरबहादुर देउवा सहभागी हुने भनिएको भारतको गुजरातमा आयोजना गरिएको भाइब्रेन्ट गुजरात समिट स्थगित भएको छ । 

पछिल्लोसमय भारतमा बढ्दो कोरोना भाइरसको नयाँ भेरियण्ट ओमिक्रोन संक्रमणको जोखिमका कारण जनवरी १० देखि आयोजना हुने दशौं भाइब्रेन्ट गुजरात ग्लोबल समिट स्थगित भएको भारतीय सञ्चारमाध्यमले जनाएको छ । त्यसका लागि प्रधानमन्त्री देउवा २५ पुसमा नयाँ दिल्ली प्रस्थान गर्ने र २६ गते उक्त समिटको उद्घाटन सत्रलाई सम्बोधन गर्ने कार्यक्रम रहेको थियो । 

भारत भ्रमणका क्रममा प्रधानमन्त्री देउवाले गुजरातमै भारतीय समकक्षी नरेन्द्र मोदीसँग पनि द्विपक्षीय औपचारिक वार्ता गर्ने तय भएको थियो । 

तर, गुजरातमा पछिल्लोसमय बढेको कोरोना संक्रमणको स्थितिको समीक्षा गरेपछि  समिट रद्ध गर्ने  निर्णय भएको हाे । गत एक हप्तामा कोरोनाका केसहरू यो राज्यमा धेरै गुणा बढेको देखिन्छ। यस राज्यमा बुधबार ३ हजार ३५० नयाँ केसहरू दर्ता भएका थिए, जुन १ जनवरीमा दर्ता भएको १,०५९ को तुलनामा तीन गुणाले बढी हाे । गुजरात सरकारले  समिटको अर्को मिति तय गरेको छैन।