१० चैत्र २०७९, शुक्रबार
March 24, 2023, Friday

चलचित्र प्रदर्शनमा फेरि बेथिति, नेपाली निर्माता अलमलमा

चलचित्र प्रदर्शनमा फेरि बेथिति, नेपाली निर्माता अलमलमा

नेपाली चलचित्रको प्रदर्शनलाई सहज तुल्याउन हलवालाको संस्था नेपाल चलचित्र संघले गरेको परिपत्र यतिबेला आफैं भंग गरेको छ ।

नेपाल चलचित्र निर्माता संघ, चलचित्र विकास बोर्डसँग नेपाल चलचित्र संघले गत १० असोजमा ६ बुँदे सहमति गरेको थियो । सो सहमतिको एउटा बुँदामा केही समयसम्म नेपाली चलचित्रलाई हलमा प्रोत्साहन गर्ने उद्देश्यसहित नेपाली चलचित्र रिलिज गर्दा विदेशी चलचित्र नजुधाउने कुरा उल्लेख गरिएको थियो ।

तर, अहिलेको अवस्थामा त्यो सहमति कार्यन्वयन गर्न नसक्ने नेपाल चलचित्र संघले जनाएको छ । पछिल्लो समय नेपाली चलचित्रको रिलिजकै बेला एक साथ दुईवटासम्म विदेशी फिल्म नेपालमा ल्याएर रिलिज गर्न थालेपछि नेपाली चलचित्र निर्माता यतिबेला हल सञ्चालकबाट रुष्ट छन् । अब आफ्ना चलचित्र रिलिज गर्ने कि नगर्ने भनेर उनीहरू अलमलमा परेका छन् ।

चलचित्रको प्रदर्शनीमा झन बेथिति देखिएको छ । नेपाली चलचित्रलाई वितरकदेखि हलवालासम्मले अहिले महत्व नदिएको नेपाल चलचित्र निर्माता संघका उपाध्यक्ष उदय सुब्बाको कथन छ । उनका अनुसार दुई दर्जनभन्दा बढी नेपाली चलचित्र विगत दुई वर्षदेखि प्रदर्शनका लागि पालो कुरेर बसेका छन् ।

यता, नेपाली हल सञ्चालक र वितरकले विदेशी सिनेमालाई महत्व दिन थालेपछि अहिले नेपाली चलचित्र चलाउने अवस्था नआएको विकास बोर्डका सदस्य अर्जुन कुमारले गुनासो गरेका छन् ।

१५ पुसबाट रिलिज गरिने भनिएको नेपाली चलचित्र ‘चपली हाइट–३’ लाई अब यसका निर्माता अर्जुन कुमारले सो मितिमा पनि रिलिज नगर्ने बताएका छन् । आफ्नो सिनेमाको विरुद्ध ओटीटी प्लेटफर्मका लागि बनाइएको भारतीय फिल्मलाई सस्तोमा किनेर ल्याएर हलमा जुधाइदिएपछि फिल्मको रिलिज स्थगित गर्नुपरेको उनले बताएका छन् ।

चलचित्र विकास बोर्डका सदस्यसमेत रहेका अर्जुन कुमारले नेपालका हल सञ्चालक नेपाली चलचित्रलाई प्रवद्र्धन र प्रोत्साहन गरौं भन्ने पक्षमा नरहेको बताएका छन् । काठमाडौंमा एक पत्रकार भेटघाट गर्दै आफूले हलवाला र वितरकबाट कत्ति पनि सहयोग र प्रोत्साहन यतिबेला नेपाएको बताएका छन् । सोही कारण दोस्रोपटक पनि आफूले चलचित्र ‘चपली हाइट–३’ रिलिज गर्न नसकेको उनले प्रस्ट्याएका छन् । अब उनले आफ्नो चलचित्रको रिलिज मिति ३० पुसलाई सारेका छन् ।

१५ पुसबाट अर्जुन कुमारले आफ्नो फिल्म सारे पनि भिमसेन लामाले यही मितिमा चलचित्र कठपुतली रिलिज गर्ने भएका छन् । यो मितिमा भारतीय फिल्म ८३ नेपालमा रिलिज हुँदै छ । सन १९८३ को अन्तर्राष्ट्रिय क्रिकेटमा भारतले प्राप्त गरेको सफलतामा यो फिल्म केन्द्रित छ । फिल्म ८३ स्पोर्ट जनरामा निर्माण भएको र आफ्नो फिल्म कठपुतली हरर जनरामा निर्माण भएको पनि सो चलचित्रका निर्माण पक्षको कथन छ । चलचित्र ‘चपली हाइट–३’ अब १५ पुसमा नआउने भएपछि आफूहरूले हलमा केही बढी सो पाउने विश्वास कठपुतलीका निर्मातालाई छ ।

आइतबार काठमाडौंमा बसेको निर्माता, हलवाला र विकास बोर्डका बैठकले पनि चलचित्रको प्रदर्शनीलाई व्यवस्थित गर्ने निर्णय लिन सकेको छैन । उनीहरूको बैठकले एकै साता दुईवटा नेपाली चलचित्र रिलिज नगर्ने निर्णय मात्र गरेको छ । विदेशी चलचित्र र नेपाली चलचित्रको प्रदर्शन सन्तुलनतर्फको कुरा अघि बढ्ेर बिनानिष्कर्ष टुंगिएको छ ।

नेपाल चलचित्र संघका महासचिव एवं प्रवक्ता अशोक शर्माले लामो समयपछि हल खुलेकाले आफूहरूले हलमा स्वदेशी र विदेशी दुवै चलचित्र चल्ने स्वतन्त्रता दिएको आइतबारको भेटभाट कार्यक्रममा बताएका छन् । गत असोजमा निर्माता र चलचित्र विकास बोर्डसँग भएको सहमति त्यसको केही समयपछि भंग गरेको पनि उनले स्पष्ट पारेका छन् ।

गत तिहारयता नेपालमा विदेशी फिल्मले राम्रो बजार लिइरहेको छ । गत साता मात्र रिलिज भएको दुई विदेशी फिल्म स्पाइडर म्यान र पुष्पाले नेपालका मल्टिप्लेक्स सिनेमा हलमा निकै राम्रो व्यापार ग¥यो । अब हलिउड र बलिउडका राम्रा ब्यानरका फिल्म क्रमस रिलिज हुने भएकाले नेपाली चलचित्रका निर्माताले आफ्नो सिनेमा जुधाउन सकेका छैनन् ।

नेपाली फिल्मका निर्माताहरूले आफूहरूको फिल्मसँग विदेशी फिल्म केही महिना नजुधाइदिन आग्रह गरेका छन् । चलचित्र विकास बोर्डले पनि यस्तो आग्रह गरेको छ । तर, वितरक तथा हल सञ्चालकले मानेका छैनन् । राम्रो नेपाली चलचित्र भनेको बेला हलमा नआएका कारण आफूहरूले अहिलेको अवस्थामा विदेशी फिल्म देखाएर हल सञ्चालन गर्नुपरेको उनीहरूको भनाइ छ ।यो समाचार राजधानी दैनिकबाट लिएको हो।

Related News

शिक्षामा उत्कृष्ट परियोजनाको अनुसन्धान र विकासमा आइपिडिएफले पहल गर्ने
शिक्षामा उत्कृष्ट परियोजनाको अनुसन्धान र विकासमा आइपिडिएफले पहल गर्ने
  • १३ पुष २०७८, मंगलवार

इन्टरनेसनल प्रोजेक्ट डेभेलपमेन्ट फोरम, आइपिडिएको प्रथम बार्षिक उत्सव तथा विशिष्ट ब्यक्तित्व सम्मान कार्यक्रमको अवसरमा स्वागत मन्तब्य दिनुहुदै संस्थाका उपाध्यक्ष भवानी...

काठमाण्डौ क्षेत्र नं ३ वाट शुशिला पौडेल र महेश्वर फुयल सिफारिस
काठमाण्डौ क्षेत्र नं ३ वाट शुशिला पौडेल र महेश्वर फुयल सिफारिस
  • १३ पुष २०७८, मंगलवार

नेकपा माओवादी केन्द्रले काठमाण्डौ जिल्ला समन्वय समितिले आगामी मंसिर ४ गते हुने प्रतिनिधि सभा सदस्य निर्वाचनको लागि काठमाण्डौ क्षेत्र नं...

माइकल अधिकारी १ रुपैयाँमै हेर्न पाइने
माइकल अधिकारी १ रुपैयाँमै हेर्न पाइने
  • १३ पुष २०७८, मंगलवार

याँ चलचित्र ‘माइकल अधिकारी’ १ रुपैयाँमै सिनेमा हलमा बसेर हेर्न पाइने भएको छ । नेपालकै सबैभन्दा ठूलो डिजिटल वालेट इसेवाले...

TOP