नेपाली काँग्रेस महाधिवेशन : १३६५ मत खस्यो(अपडेट)*

नेपाली कांग्रेसको १४ औं महाधिवेशनका लागि आज भएको मतदानमा १ हजार ३६५ मत खसेको छ।

मध्यान्ह १२ बजेदेखि सुरु भएको मतदानमा दिउँसो पौने चार बजेसम्म १ हजार ३६५ मत खसेको निर्वाचन समितिले बताएको छ । १३२ ओटा पदका लागि ४८७ जना उम्मेदवार चुनावी प्रतिस्पर्धामा छन्।

केन्द्रीय निर्वाचन समितिका अनुसार हाल राष्ट्रिय सभा गृहमा ५१३ मत र भृकुटीमण्डपका दुई स्थान (प्रदर्शनी हल र प्राङ्गण) मा ८५२ मत खसेको छ । भृकुटीमण्डपका दुई ओटा स्थानमा २ हजार १०० र १ हजार ३०० तथा राष्ट्रिय सभागृहमा १ हजार ३०० मतदाताका लागि मतदान गर्ने प्रबन्ध मिलाइएको छ ।

*केन्द्रीय निर्वाचन समितिको तथ्यांक अनुसार अद्यावधिक गरिएको |Abhiyan