दराजको १२.१२ सेल अभियान शुरू 

अनलाइन बजार दराजले सेल अभियान १२.१२ को शुरूआत गरेको छ।

२४ मंसीरबाट शुरू भएको अभियानमा उपभोक्ताले विशेष छूट, रु.४ हजारको मेगा भाउचर र ब्यांक कार्ड मार्फत १० प्रतिशत (अधिकतम रु.२ हजार) सम्मको थप छूटको लाभ उठाउन सक्नेछन्। 

यस अभियानमा सन्‌राइज ब्यांक, एनएमबी, ब्यांक अफ काठमाडौं, सिटिजन्स र एभरेष्ट ब्यांकका कार्डवहाकले क्रेडिट कार्ड मार्फत १० प्रतिशत (अधिकतम रु.२ हजार) र डेबिट कार्ड मार्फत १० प्रतिशत वा अधिकतम रु.१ हजार छूट पाउनेछन्। 

त्यसैगरी, ईसेवा र आईएमई–पे वालेट मार्फत भुक्तानी गर्दा सीमित समयभित्र १० प्रतिशत वा अधिकतम रु.५०० सम्मको विशेष छुट पाउने कम्पनीले जनाएको छ। 

१२.१२ अभियानमा फिलिप्स, सामसङ, लेनोभो, एर्क, लोट्टो, सीजी डिजिटल लगायत कम्पनीका उत्पादनमा ६० प्रतिशतसम्म छूट दिएका छन्। 

दराजले यसअघि ११.११ अभियान सञ्चालन गरेको थियो।