थपिए २५४ जना कोरोना संक्रमित, २३४ जना संक्रमणमुक्त

नेपालमा विगत २४ घण्टामा थप २५४ जनामा कोरोना भाइरसको संक्रमण पुष्टि भएको छ।

स्वास्थ्य तथा जनसंख्या मन्त्रालयले आइतवार दिएको जानकारी अनुसार उक्त अवधिमा २५४ जना संक्रमित थपिएका हुन्।

उक्त अवधिमा ८ हजार ६८२ जनाको कोरोना परीक्षण गर्दा सो संख्यामा संक्रमित थपिएका हुन्। मन्त्रालयका अनुसार सो अवधिमा ६ हजार ६८२ जनाको पीसीआर परीक्षण र २ हजार ४१४ जनाको एन्टिजेन परीक्षण गरिएको थियो। नेपालमा हाल ५ हजार ८९० जना सक्रिय संक्रमित छन्।

सो अवधिमा २३४ जना संक्रमणमुक्त भएका छन् । त्यसैगरी कोरोना संक्रमणबाट यसको संक्रमणबाट एक जनाको मृत्यु भएको छ। योसँगै नेपालमा कोरोना संक्रमणका कारण मृत्यु हुनेको संख्या ११ हजार ५५४ पुगेको छ ।

नेपालमा हाल कोरोनाबाट निको हुनेको दर ९७ दशमलव ९ प्रतिशत रहेको छ। मन्न्त्रालयले काठमाडौं उपत्यकामा उक्त अवधिमा १५४ जना संक्रमित थपिएको बताएको छ । जस अनुसार काठमाडौं जिल्लामा ११९ जना, ललितपुर जिल्लामा ३० जना र भक्तपुर जिल्लामा पाँच जनामा कोरोना संक्रमण पुष्टि भएको हो ।