टुंगो लाग्यो सुदूरपश्चिम प्रदेशमा देउवा पक्षले।पौडेल पक्षसँग भिड्ने उम्मेदवारको सूची

नेपाली कांग्रेसको संस्थापन (सभापति शेरबहादुर देउवा) पक्षबाट सुदूरपश्चिम प्रदेश समितिको सभापतिमा वीरबहादुर बलायर उम्मेदवार हुने भएका छन्।

संस्थापन पक्षका नेताहरुले बलायरको नेतृत्वमा प्रदेश समितिका लागि ‘प्यानल’ बनाउने निर्णय गरेका हुन्। बलायर पार्टीको केन्द्रीय सदस्य हुन्।

यसअघि पौडेल पक्षले सभापतिमा कैलालीका नारायण मिश्र, उपसभापति गोपाल गुरुङ (कञ्चनपुर), मानबहादुर रावल (बाजुरा), महामन्त्रीमा प्रताप गुर्दामी (बझाङ)र रामबहादुर शाही (अछाम) लाई उम्मेदवार बनाउने निर्णय गरेको थियो । त्यस्तै सहमहामन्त्रीमा पदमराज पन्त (दार्चुला) र नरेन्द्र भट्ट (बैतडी) उम्मेदवार बन्ने भएका छन् ।

सहमहामन्त्रीमा कञ्चनपुरका गोपालदत्त भट्ट र अछामकी अम्बिका चलाउने उम्मेदवार हुने भएको छ। सहमहामन्त्रीको अर्का १ जना उम्मेदवारको नाम भने टुंगो लाग्न बाँकी रहेको देउवा पक्षीय नेताहरुले जानकारी दिएका छन्।

प्रदेश समितिको जारी अधिवेशनअन्तर्गत शुक्रबार दिउँसो २ देखि ४ बजे सम्मका लागि उम्मेदवारी मनोनयनको समय तोकिएको छ।