हट्याे जाेर-बिजाेर प्रणाली

Universal Online TV
प्रकाशित मिती: १४ मंसिर २०७५, शुक्रबार

सरकारले लागू गरेको जोरबिजोर प्रणाली हटाएको छ ।

महानगरीय ट्राफिक प्रहरी कार्यालयले एक सूचना जारी गरी आज ११ः३० देखि जोरबिजोर प्रणाली हटाएको बताएको छ ।

यसअघि गृह मन्त्रालयको निर्देशनमा जोरबिजोर प्रणाली लागू गरेको बताएको ट्राफिक कार्यालयले गृह मन्त्रालयको निर्देशनमा जोरबिजोर प्रणाली हटाएको बताएको हो । एसिया प्यासिफिक सम्मेलनका लागि भन्दै सरकारले जोरबिजोर प्रणाली लागू गरेपछि चौतर्फी विरोध भएको थियो ।

शुक्रबार बिहान मात्र जोरबिजोर प्रणालीको अवज्ञा गर्दै युथ कांग्रेस नेपालले निकालेको मोटरसाइकल र्‍यालीमा प्रहरीले हस्तक्षेप गरेको थियाे । बिहान आठ बजे ज्ञानेश्वरबाट निकालेको मोटरसाइकल र्‍यालीमा प्रहरीले हस्तक्षेप गरी अवज्ञाकर्तालार्इ पक्राउसमेत गरेको थियाे ।