१७ मंसिर २०७८, शुक्रबार
December 3, 2021, Friday

जब रिपोर्टरले आफ्नै बिहेको लाइभ रिपोर्टिङ गरे

जब रिपोर्टरले आफ्नै बिहेको लाइभ रिपोर्टिङ गरे

२०१० मा आएको हिन्दी फिल्म पिपली लाइभ याद छ ?

अमिर खानको यो फिल्ममा खबर ब्रेक गर्ने टीभी च्यानलहरुको पागलपन देखाइएको छ ।

पाकिस्तानमा यस्तै भएको छ, जब एक स्थानीय पत्रकारले आफ्नै विवाहको रिपोर्टिङ गरे ।

यो भिडियो इन्टरनेटमा निकै भाइरल पनि भएको छ ।

फैसलाबादको सी ४१ च्यानलका सम्वाददाता हनन बुखारी स्पोर्ट्स कार र मोटरसाइकलमा जन्ती लिएर पुगे ।

उनको च्यानलले शहरमा हुने बिहे कभर गर्दै आएको थियो । त्यसैले हननको बिहे पनि कभर गर्ने निर्णय टीभी च्यानलले लियो ।

विवाहका क्रममा आफ्ना सहकर्मीबाट माइक लिँदै हननले भने, ‘आज म यहाँ आफ्नै बिहेमा उपस्थित छु । यो म र मेरो परिवारका लागि खुसीको क्षण हो । यो एक लाइभ बिहे हो, त्यसैले मेरी पत्नी र उनको परिवार पनि निकै खुसी देखिएका छन् ।’

त्यसपछि क्यामरा आफ्ना बाबुतिर लगेर उनले सोधे, ‘आज तपाईको छोराको बिहे भइरहेको छ । तपाईलाई कस्तो लागेको छ ?’

घटनाले त्यसबेला अझ नाटकीय रुप लियो, जब हननले दर्शकहरुलाई आफ्नो पत्नीसँग भेटाए । उनले भने, ‘अब त्यही युवतीलाई भेट्छौं, जसलाई मलाई पागल बनाएकी थिइन् । मैले कयौं वर्ष उनलाई पछ्याएँ र आज मैले उनको साथ पाएको छु ।’

हनन यतिमै रोकिएनन् । उनले आफ्नो पत्नीलाई सोधे, ‘आज तिम्रो बिहे भइरहेको छ । तिमीलाई केही भन्नु छ ?’

बेहुलीले खुसी छु भन्ने जवाफ दिइन् ।

त्यसपछि हननले भने, ‘मैले यति खर्च गरेँ । स्पोर्ट्स कार र बाइक लिएर आए । सिंगो शहरले मलाई हेरिरहेको छ । तर, यो उनले देखिनन् ।’

यो भिडियो निकै भाइरल भएको छ ।

Related News

नेपालमा सक्रिय सङ्क्रमितको सङ्ख्या ७ हजारभन्दा कम
नेपालमा सक्रिय सङ्क्रमितको सङ्ख्या ७ हजारभन्दा कम
  • २४ माघ २०७४, बुधबार

देशभर १५८ जनामा कोरोनाभाइरसको सङ्क्रमण पुष्टि भएको छ । ८ हजार ९१८ जनाको परीक्षण गर्दा पीसीआर विधिबाट १५४ तथा एन्टिजेन...

पुनःएकीकरण योजना सरकारको प्राथमिकतामाः मन्त्री श्रेष्ठ
पुनःएकीकरण योजना सरकारको प्राथमिकतामाः मन्त्री श्रेष्ठ
  • २४ माघ २०७४, बुधबार

श्रम रोजगार तथा सामाजिक सुरक्षामन्त्री कृष्णकुमार श्रेष्ठले नेपाल–कतार संयुक्त कार्यसमिति वैठकको तयारीबारे सरोकारवालाहरूसँग छलफल गरे । शुक्रबार काठमाडौंमा भएको छलफलमा...

जनगणनाको तथ्यांक प्रशोधन पुसदेखि : जनसंख्या तीन करोड नजिक पुग्ने अनुमान
जनगणनाको तथ्यांक प्रशोधन पुसदेखि : जनसंख्या तीन करोड नजिक पुग्ने अनुमान
  • २४ माघ २०७४, बुधबार

राष्ट्रिय जनगणना २०७८ को मूल गणना कार्य सकिएसँगै अब तथ्यांक प्रशोधन प्रारम्भ गर्ने चरणमा गएको तथ्यांक विभागले बताएको छ ।...

TOP