२ कार्तिक २०७८, मंगलवार
October 19, 2021, Tuesday

काठमाडौं छिर्ने भित्री सडकमा ‘चारपाङ्ग्रे सवारी निषेध

काठमाडौं छिर्ने भित्री सडकमा ‘चारपाङ्ग्रे सवारी निषेध

असन, इन्द्रचोक र आसपासका भित्री सडकमा मंगलबारदेखि चारपाङ्ग्रे सवारीसाधन प्रवेश रोक लगाइएको छ । काठमाडौं महानगरपालिका वडा नम्बर १७, १८, १९, २४, २५ र २७ वडाका स्थानीय जनप्रतिनिधिको समन्वयमा आवागमन सहज बनाउन चारपाङ्ग्रे सवारीसाधनलाई प्रवेश रोक लगाएको महानगरीय ट्राफिक प्रहरी महाशाखाका प्रमुख डीआईजी सर्वेन्द्र खनालले बताए ।

उक्त क्षेत्रमा बिहान ७ देखि बेलुकी ७ बजेसम्मचारपाङ्ग्रे सवारीसाधन निषेधगरिएको उनले बताए ।
इन्द्रचोकबाट वटु, असन र भेडासिंह जाने चारपाङ्ग्रे सवारी निषेध गरिएको छ । यस्तै ठैंटीबाट ज्वालामाई हुँदै असन जाने र ठैंटीबाट सीधै असन जाने चारपाङ्ग्रे गाडीलाई पनि निषेध गरिएको छ । ज्याठा, कमलाछी, भोटाहिटी, महाबौद्धबाट असनतर्फ चारपाङ्ग्रे सवारीसाधन जान पाउने छैनन् । असन भोटाहिटी सडकखण्डमा भने मंगलबारबाट सबै प्रकारका सवारीसाधनलाई रोक लगाइएको छ । भेडासिंहबाट नघल बाङ्गेमुढा र इन्द्रचोकसम्मको सडकलाई २४ सै घण्टा एकतर्फी बनाइएको छ । यसअघि ट्राफिक प्रहरीले ठमेल र पशुपति क्षेत्रका भित्री सडकलाई ‘भेइकल फ्री जोन’ बनाइसकेको छ । बढी भीडभाड हुने स्थानहरूको सवारी आवागमनलाई सहज बनाउँदै जाने योजनाअनुरूप उक्त क्षेत्रमा चारपाङ्ग्रे सवारीमा निषेध गरेको डीआईजी खनालले बताए ।
काठमाडौं छिर्ने भित्री सडकमा ‘चारपाङ्ग्रे सवारी निषेध’ का सूचना बोर्ड राखिएका छन् । ट्राफिक प्रहरी पनि उल्लेख्य संख्यामा परिचालन गरिएको काठमाडौं महानगरपालिका वडा नम्बर १८ का वडाअध्यक्ष न्हुन्छेकाजी महर्जनले बताए । नयाँ नियमअनुसार कुनै बाटोमा चारपाङ्ग्रे पूरै निषेध गरिएको छ भने कुनैलाई एकतर्फीमा सीमित गरिएको जनाएको छ । स्थानीयको हकमा ट्राफिक प्रहरी, नगर प्रहरी र स्थानीय जनप्रतिनिधिलाई जानकारी गराएर चारपाङ्ग्रे सञ्चालन गर्न सकिने उनले बताए । उक्त क्षेत्रमा फुटपाथको पसल व्यवस्थापनको तयारी गरेको समेत उनले बताए ।

Related News

तालिम तथा रोजगार व्यावसायी महासंघ(FPTEN)को महाधिवेसन सम्पन्न – केन्द्रिय​ अध्यक्षमा अच्युत नेपाल​ र​ बागमतिमा बद्रि प्रसाद दाहाल​
तालिम तथा रोजगार व्यावसायी महासंघ(FPTEN)को महाधिवेसन सम्पन्न – केन्द्रिय​ अध्यक्षमा अच्युत नेपाल​ र​ बागमतिमा बद्रि प्रसाद दाहाल​
  • ३ माघ २०७४, बुधबार

काठमाडौ – नेपाल तालिम तथा रोजगार व्यावसायी महासंघ(FPTEN)को दोस्रो महाधिवेसन काठमाडौमा सम्पन्न भ​एको छ र अच्युत नेपालको नेतृत्वमा ३१ जनाको...

एकीकृत रामारोशन बिकास समाज कोटेश्वर काठमाडौ द्वारा रामारोशन गाउँपालिका अछाम लाई सहयोग
एकीकृत रामारोशन बिकास समाज कोटेश्वर काठमाडौ द्वारा रामारोशन गाउँपालिका अछाम लाई सहयोग
  • ३ माघ २०७४, बुधबार

एकीकृत रामारोशन बिकास समाज कोटेश्वर काठमाडौ द्वारा रामारोशन गाउँपालिका अछाम क्षेत्रमा Covid-19 को सम्भाबित संक्रमण बाट वच्न र रोकथाम को...

विकासबादी संगीतको चोथौ आयाम गीतांगको मीठो पानी
विकासबादी संगीतको चोथौ आयाम गीतांगको मीठो पानी
  • ३ माघ २०७४, बुधबार

विकासबादी साहित्य प्रतिस्ठानको प्रस्तुतिमा विकासबादी संगीतका अभियानता गायक द्रोण पराजुलीले आफ्नो मातुभूमि प्रति समर्पण गर्दै नयाँ गीत आफ्नो च्यानल मार्फत...

TOP