१० बैशाख २०७८, शुक्रबार
April 23, 2021, Friday

को हुन मार्समेलो ? किन आएनन् नेपाल ?

को हुन मार्समेलो ? किन आएनन् नेपाल ?

दरबारमार्गको नाइट क्लबमा भएको तोडफोडको कारक बनेका अमेरिकी डीजे मार्समेलो आफैं त्यस्ता अनौठा व्यक्ति हुन्, जसको अहिलेसम्म वास्तविक परिचय खुलेको छैन । आखिर को हुन् ती ‘छुपारुस्तम’ ? दरबारमार्गको घटनाले यी अमेरिकी डीजेप्रति धेरै मानिसको ध्यान तानिएको छ ।

बुधबार राति काठमाडौंको दरबारमार्गमा रहेको नाइट क्लब डेजाभूमा डीजे मार्समेलो आउने भनिएको थियो । उनी आउने थाहा पाएपछि सयौं दर्शकले प्रतिव्यक्ति ४ हजार रुपैयाँ तिरेर क्लबसम्म पुगे ।

तर, मध्यराति १ बजेसम्म पनि उनी उपस्थित भएनन् । बरु आयोजकले स्वास्थ्यका कारण उनी आउन नसक्ने जानकारी दिए । त्यसपछि आक्रोशित भीडले क्लबमा तोडफोड गर्‍यो ।

क्लबमा तोडफोड भएको थाहा पाएपछि उनै डीजे मार्समेलोले फेसबुुकमार्फत काठमाडौं आउन नपाएकोमा माफीसमेत मागेका छन् ।

को हुन् मार्समेलो ?

आखिर यी डीजे मार्समेलो को हुन् ? जसका कारण काठमाडौंको एक क्लबमा बुधबार मध्यराति तोडफोड भयो ?

मार्समेलो अन्तर्राष्ट्रिय डीजे हुन् । विश्वभरका उनका लाखौं फ्यान छन् । यद्यपि, उनको वास्तविक परिचय भने कसैलाई थाहा छैन । उनी मार्समेलोको रुपमै चर्चित छन् ।

तर, कतिपयको यो अनुमान छ कि उनी अमेरिकी डिजे क्रिस्टियन कम्स्टक हुन् । जो ‘डटकम’ भनेर पनि चिनिन्छन् । मार्समेलो र डटकमको स्टाइयल एउटै हुने गरेकाले दुवै एउटै व्यक्ति हुन् भन्ने अनुमान गरिएको छ ।

केही अन्तर्राष्ट्रिय सञ्चार माध्यमहरुले मार्समेलो नेदरल्याण्डका डिजे मार्टिन गारिक्स वा सम भोगेल हुन सक्ने समेत अनुमान गरेका छन् ।

सन् २०१६ र २०१७ मा डिजे म्यागजिन नामक पत्रिकाले निकालेको उत्कृष्ट एक सय डिजेको सूचिमा मार्टिन नम्बर १ मा परेका थिए । भोगेल जौजको रुपमा परिचित छन् । उनी अमेरिकी डिजे हुन् ।

किन लुकाए परिचय ?

मार्समेलो सार्वजनिक रुपमा देखा पर्दा सधैं मुखुण्डो आकारको माक्स लगाउने गर्छन् । सामाजिक सञ्जालमा उनले पोष्ट गरेका तस्वीर र भिडियोहरुमा समेत उनले मुखौटो लगाउने गरेका छन् ।

मुखौटो लगाएर प्रस्तुति दिने दुई चर्चित डिजे डेड माउस र डाफ्ट पंकबाट मार्समेलो प्रभावित भएको बताइन्छ ।

मार्समेलोको परिचय गोप्य रहे पनि यी डिजेका रुपमा चर्चामा आएको चाहिँ धेरै भएको छैन । सन् २०१५ पछि उनी अन्तर्राष्ट्रिय रुपमै चर्चामा आएका हुन् ।

रुसी संगीतकार जेड्सको ‘ब्यूटिफूल नाउ’, अमेरिकन इलेक्ट्रोनिक डान्स डिजे ज्याकको ‘ह्वेर आर यू नाउ’ र आफ्नो ‘एलोन’ नामक ट्याक सार्वजनिक गरेपछि उनी चर्चामा आएका हुन् ।

मार्समेलोलाई छोटो समयमा अन्तर्राष्ट्रिय रुपमा चर्चामा आएका डिजे मानिन्छन् । सन् २०१५ मार्च ३ तारिखमा उनले आफ्नो पहिलो गीत ‘वेब्ज’ आफ्नो साउण्ड क्लाउण्ड पेजमा अपलोड गरेका थिए ।

उनको साउण्ड क्लाउड पेजमा ८ लाख १३ हजार फलोअर्स छन् भने फेसबुकमा उनलाई पछ्याउने ५० लाख छन् । त्यस्तै, इन्स्टाग्राममा उनलाई फलो गर्ने ५१ लाख छन् र ट्वीट्मा ७ लाख ४५ हजारले उनलाई फलो गर्छन् ।

मार्समेलोले सन् २०१६ मा डिजे म्यागजिनको उत्कृष्ट १०० डिजे मध्येको २८ औं नम्बरमा परेका थिए ।

उनलाई पहिलोपटक नेपाल ल्याउने भन्दै डेजाभु नाइट क्लबले दर्शनहरुबाट करिब ४० लाख रुपैयाँ उठाएको थियो, तर उनी नआएपछि क्लबमा ठूलो क्षति पुग्ने गरी तोडफोड भयो ।

source onlinekhabaer

Related News

यसपालीको चलचित्र बिकास वोर्डकी अब्बल आवेदक
यसपालीको चलचित्र बिकास वोर्डकी अब्बल आवेदक
  • २८ मंसिर २०७४, बिहीबार

यस पटक सञ्चार तथा सूचना प्रविधी मन्त्रालयले २०७७।०१।१६ गतै १५ दिनको म्याद राखि रिक्त रहेको अध्यक्ष पदको लागि आवेदन माग...

विकासबादी संगीतको चोथौ आयाम गीतांगको मीठो पानी
विकासबादी संगीतको चोथौ आयाम गीतांगको मीठो पानी
  • २८ मंसिर २०७४, बिहीबार

विकासबादी साहित्य प्रतिस्ठानको प्रस्तुतिमा विकासबादी संगीतका अभियानता गायक द्रोण पराजुलीले आफ्नो मातुभूमि प्रति समर्पण गर्दै नयाँ गीत आफ्नो च्यानल मार्फत...

नेशनल पावर न्युज म्युजिक अवार्ड २०२० को मनोनयन सार्वजनिक
नेशनल पावर न्युज म्युजिक अवार्ड २०२० को मनोनयन सार्वजनिक
  • २८ मंसिर २०७४, बिहीबार

काठमाण्डौ – नेपालको पहिलो समावेशी अवार्ड नेशनल पावर न्युज म्युजिक अवार्ड २०२० को मनोनयन सार्वजनिक गरिएको छ । पावर ईन्टरनेशनल...

TOP