गायक द्रोण पराजुलीको विकासबादी संगीतको नयाँधार यस्तो छ, लिरिकल भिडियो सहित, आउ प्रिय

२० माघ २०७५, आईतवार

सूचना प्रविधिको विकासमा करिव एक दशकदेखि सक्रिय सामाजिक अभियानता द्रोण पराजुलीले विकासबादी साहित्य प्रतिस्ठान मार्फत् विकासबादी संगीतको स्वाद ध्येय बोकेको लिरिकल गीत युट्युव मार्फत सार्वजनिक गरेका छन् । ४ मिनेट २२ सेकेन्ड लामो गीतले प्रेम, परिवार, विश्वास र आपसी साथले मात्र बल्ल देशविकासको महान् लक्ष्य पूरा गर्न सकिने परिकल्पना गरेको छ । आफ्नो डिग्रिको अनुसन्धानले जन्माएको विचार र त्यसको सिद्धान्तबाट जन्मिएको यो नयाँ धारले हालसम्मको धोका, भ्रष्टाचार, अविकासलाई संसोधन गरी एकता, सहकार्यले विकासको यात्रा पुरा गर्न सक्छ जहाँ प्रेम र उर्जाले युगल जोडीहरु निर्माण र विकासमा जुटे भने जिवन,परिवार, समाज र समग्र देशको समृद्धि र विकास सम्भव रहने कुरामा विश्वास राख्दै शब्द, संगीत र गायनको प्रस्तुति दिएका छन् गायक द्रोण पराजुलीले । निराशामा आशा, धोकाको बदला प्रेम, गरिबीको साटो समृद्धि, बेरोजगारीको साटो रोजगारी र उद्योगी बनाउन र सम्पन्नता तिर देशलाई नेतृत्व प्रदान गर्न अव साहित्य, गीत संगीत पहिलो केन्द्रविन्दु हुनुपर्छ भन्ने उद्धेश्यका साथ स्थापना भएको विकासबादी साहित्य प्रतिस्ठानले एउटा सामाजिक अभियानकै रुपमा अव यस धारको गीत संगीत र साहित्य निरन्तर प्रस्तुत गर्दै जाने जानकारी दिइयो । यस गीतको शब्द र लिरिकल भिडियो हेर्न तथा सुन्न तलको भिडियो लिंकमा जानुहोस् ।


आउ प्रिय अव संगै देश बनाउन
विकास र समृद्धिको जोश खन्याउन

तिम्रो मेरो माया मिले नव निर्माण हुन्छ
गाउँ, बस्ती शहरको मनमुटु छुन्छ
उद्योग र रोजगारीले देश झुलाउनुछ
सवै अट्ने माला बुनी राष्ट्र फुलाउनुछ

जात बाद भूगोलको सीमा नागेर
नेपाली हौँ बन्छ नेपाल उठौँ जागेर
आउ अव संग संगै अभियान थालौँ
समृद्धयो नेपालको आशा दीप बालौँ