१४ मंसिर २०७८, मंगलवार
November 30, 2021, Tuesday

भारतको सबैभन्दा महँगो फिल्म २.० को कस्तो छ बक्स अफिसमा सुरुवात ?

भारतको सबैभन्दा महँगो फिल्म २.० को कस्तो छ बक्स अफिसमा सुरुवात ?

भारतको सबैभन्दा महँगो एवं बहुप्रतिक्षित फिल्म ‘२.०’ प्रदर्शनमा आएको छ । लामो समयदेखि फिल्मको रिलिज डेट सरिरहेको थियो । फिल्मको पोस्ट प्रोडक्सनको काम निकै लामो समयसम्म चलेको थियो ।

यो फिल्म रोबोटको सिक्वेल हो । यसपटक रजनीकान्तको अगाडि अक्षय कुमार भिलेन बनेका छन् । यो फिल्म पाँच सय ४३ करोड भरुमा तयार भएको हो जुन भारतको अहिलेसम्मको सबैभन्दा महँगो फिल्म हो ।

रिलिज अघि नै विभिन्न अधिकार बेचेर फिल्मले लगभग तीन सय ७० करोड भारु कमाई गरिसकेको छ । यसकारण फिल्म बक्स अफिसमा सुरक्षित छ । प्रश्न थिएट्रिकल बिजनेसको छ । के रजनीकान्तको स्टारडम अनुरुप फिल्मले व्यवसाय गर्न सक्छ ? के बाहुबली टु भन्दा सफल हुनसक्छ ? यी प्रश्नको जवाफ फिल्मका लागि महत्वपूर्ण छन् ।

फिल्मले दक्षिण भारतमा दमदार ओपनिङ गरेको छ । रजनीकान्तका अन्य फिल्म झैं यो फिल्मले पनि त्यति नै उत्साह पाएको छ । बिहानैदेखि शो सुरु भएका छन् र रजनीकान्तका प्रशंसकबीच त्यही क्रेज छ । सिंगल स्क्रिन र मल्टिप्लेक्स दुबैमा फिल्मले उत्कृष्ट ओपनिङ पाएको छ ।

प्रश्न रह्यो उत्तर भारतको जहाँ दक्षिणको तुलनामा रजनीकान्तको लोकप्रियता अलि फितलो छ । त्यहाँ पनि फिल्मले राम्रो ओपनिङ पाएको छ । फिल्म लामो समयदेखि चर्चामा छ । अक्षय कुमारको फिल्ममा उपस्थिती र रजनीकान्तको फेमका कारण फिल्मको अत्यधिक चर्चा पाएको हो ।

उत्तर भारतमा मल्टिप्लेक्समा र केही विशेष शहरमा फिल्मको ओपनिङ राम्रो छ भने केही स्थानमा औसत छ । थ्री डी भर्सनलाई मानिसहरुले प्राथमिकता दिइरहेका छन् र एड्भान्स बुकिङ राम्रो भइरहेको छ । विशेषगरी बेलुका र रातीको शोमा एड्भान्स बुकिङ राम्रो छ जसका आधारमा भन्न सकिन्छ कि फिल्मको पहिलो दिनको कमाई शानदार रहनेछ ।

Related News

पोखरामा विद्यालय नाटक महोत्सवको तयारी
पोखरामा विद्यालय नाटक महोत्सवको तयारी
  • १४ मंसिर २०७५, शुक्रबार

गण्डकी प्रदेशस्तरीय विद्यालय नाटक महोत्सवको दोश्रो संस्करण हुने भएको छ। आगामी माघ ११ देखि १५ गतेसम्म पोखरा थिएटरको गन्धर्व नाटकघरमा...

प्रेमगीत ३ र कठपुतलीले पनि तोके रिलिज मिति
प्रेमगीत ३ र कठपुतलीले पनि तोके रिलिज मिति
  • १४ मंसिर २०७५, शुक्रबार

बिदेशी सिनेमाले नेपाली हलमा राम्रो ब्यापार गर्न थालेपछि नेपाली चलचित्रका निर्माताहरुले आफ्नो फिल्म रिलिजको लागि धमाधम घोषणा गर्न थालेका छन्...

बलिउड अभिनेता शाहिद कपुरको आगामी फिल्म ‘जर्सी’ को ट्रेलर सार्वजनिक
बलिउड अभिनेता शाहिद कपुरको आगामी फिल्म ‘जर्सी’ को ट्रेलर सार्वजनिक
  • १४ मंसिर २०७५, शुक्रबार

बलिउड अभिनेता शाहिद कपुरको आगामी फिल्म ‘जर्सी’ को ट्रेलर सार्वजनिक भएको छ । यो फिल्मको ट्रेलर रिलिज भएपछि शाहिदले अन्तर्वार्ताका...

TOP