१४ मंसिर २०७८, मंगलवार
November 30, 2021, Tuesday

नम्रता बनिन् महंगी नायिका

नम्रता बनिन् महंगी नायिका

पछिल्लो समयमा रिलिज भएका फिल्महरु एकपछि अर्को फ्लप भइरहे पनि चल्तिका कलाकारहरु भने पारिश्रमिक बढाउने होडबाजीमा छन् । यसबाट फिल्म निर्माताहरुले पारिश्रमिकमै ठूलो धनराशी खर्च गर्नुपर्ने अवस्था आएको छ ।

नायकले लिने पारिश्रमिकको चर्चा अत्यधिक भइरहँदा नायिकाहरु पनि कम छैनन् । नायिका साम्राज्ञी राज्यलक्ष्मी शाहले चलचित्र ‘कायरा’मा १० लाख पारिश्रमिक लिएपछि उनी सबैभन्दा महंगी नायिका बनेकी थिइन् । तर, अब साम्राज्ञीलाई अर्की नायिकाले उछिनेको खबर छ ।

सोमबारदेखि छायांकन सुरु भएको चलचित्र ‘प्रसाद’मा मुख्य भूमिका निर्वाह गर्न लागेकी नायिका नम्रता श्रेष्ठले यो चलचित्रबाट १५ लाख रुपैयाँ पारिश्रमिक लिएको चर्चा चलेको छ । बर्षमा कम चलचित्र खेल्ने तर त्यसका लागि पुरा समय र मिहिनेत दिने नायिका श्रेष्ठलाई निर्माता सुवास थापाले १५ लाख पारिश्रमिक दिएका हुन् ।

नम्रताले १५ लाख पारिश्रमिक लिएपछि उनी सबैभन्दा महंगी नायिका बनेकी छिन् । यो चलचित्रका मुख्य नायक विपिन कार्कीले १७ लाख पारिश्रमिक लिएको वुझिएको छ । यस्तै, चलचित्रका अर्का कलाकार निश्चल बस्नेतले पनि १७ लाख नै पारिश्रमिक लिएको चर्चा छ ।

निश्चल चलचित्र निर्देशन भन्दा अभिनयमा बढी व्यस्त छन् । उनले, चलचित्र निर्देशन गर्ने चर्चा चलेपनि त्यो स्थगित भएको छ । यसैले, महंगो पारिश्रमिक लिएर चलचित्रमा नै काम गर्न उनले सहि ठानेको देखिन्छ ।

निर्माता सुवास थापाले ५० लाखभन्दा बढी रकम ३ कलाकारको पारिश्रमिकमै खर्च गरेका छन् । दिनेश राउतको निर्देशनमा यो चलचित्र बनिरहेको छ ।

onlinekhabar

Related News

पोखरामा विद्यालय नाटक महोत्सवको तयारी
पोखरामा विद्यालय नाटक महोत्सवको तयारी
  • १३ असार २०७५, बुधबार

गण्डकी प्रदेशस्तरीय विद्यालय नाटक महोत्सवको दोश्रो संस्करण हुने भएको छ। आगामी माघ ११ देखि १५ गतेसम्म पोखरा थिएटरको गन्धर्व नाटकघरमा...

प्रेमगीत ३ र कठपुतलीले पनि तोके रिलिज मिति
प्रेमगीत ३ र कठपुतलीले पनि तोके रिलिज मिति
  • १३ असार २०७५, बुधबार

बिदेशी सिनेमाले नेपाली हलमा राम्रो ब्यापार गर्न थालेपछि नेपाली चलचित्रका निर्माताहरुले आफ्नो फिल्म रिलिजको लागि धमाधम घोषणा गर्न थालेका छन्...

बलिउड अभिनेता शाहिद कपुरको आगामी फिल्म ‘जर्सी’ को ट्रेलर सार्वजनिक
बलिउड अभिनेता शाहिद कपुरको आगामी फिल्म ‘जर्सी’ को ट्रेलर सार्वजनिक
  • १३ असार २०७५, बुधबार

बलिउड अभिनेता शाहिद कपुरको आगामी फिल्म ‘जर्सी’ को ट्रेलर सार्वजनिक भएको छ । यो फिल्मको ट्रेलर रिलिज भएपछि शाहिदले अन्तर्वार्ताका...

TOP