२ कार्तिक २०७८, मंगलवार
October 19, 2021, Tuesday

दोश्रो विश्वयुद्ध लडेका कलाकार भिमबहादुर थापा रहेनन्

दोश्रो विश्वयुद्ध लडेका कलाकार भिमबहादुर थापा रहेनन्

बरिष्ठ कलाकार भिमबहादुर थापाको पशुपति आर्यघाटमा दाहासंकार गरिएको छ । उनको गएराती २ बजे आफ्नै निवास मैतिदेवीमा ९२ बर्षको उमेरमा निधन भएको थियो ।

भिमबहादुरले अभिनय गरेको पछिल्लो चलचित्र ‘छक्का पन्जा २’ थियो । थापालाई श्रद्धाञ्जली दिनका लागि चलचित्र र टेलिभिजन क्षेत्रका कलाकर्मीको उपस्थिती थियो ।

पशुपति आर्यघाटमा नै उनलाई अन्तिम श्रद्धाञ्जलीका लागि राखिएको थियो । चलचित्र निर्माता संघका अध्यक्ष आकाश अधिकारी, चलचित्र कलाकार संघका अध्यक्ष रामकेशर बोगटी, वरिष्ठ कलाकार निर शाह, कलाकारहरु बसुन्धरा भुषाल, चैत्यदेवी, रविन्द्र खड्का लगायतका कलाकारले उनलाई अन्तिम श्रद्धाञ्जली दिएका थिए ।

उनका २ छोरी र १ छोरा छन् । छोरा अमेरिकामा भएकाले उनलाई जेठी छोरीले दागवत्ती दिएकी थिइन् । थापा निर्देशक दिपाश्री निरौलाका ‘धर्म पिता’ समेत हुन् । दिपाश्री आफ्ना ‘धर्म पिता’को निधनमा भावूक देखिइन् । उनी, चलचित्र ‘छक्का पन्जा ३’को पोखराको छायांकन स्थगित गरेर आज बिहान काठमाण्डौ आएकी थिइन् ।

सेनानी थापाको जन्म वि.सं १९८३ साल असार १३ गते खोटाङ जिल्लाको रावा, लामिडाँडामा भएको थियो । थापा सन् १९४२ मा वृटिश आर्मीमा भर्ना भइ सन् १९४५ को दोश्रो विश्वयुद्धमा समेत लडेका थिए । उनी दोश्रो विश्वयुद्धको समाप्तीपछि विरताको कदरस्वरुप प्रदान गरिएको डिफेन्स मेडल, जनरल सर्भिस, ब्रह्मास्टार जस्ता तक्मा छातीमा लगाएर त्यसबेलाको २-३ हजार भारु बोकेर गाउँ फर्किएका थिए ।

नेपाल आर्मीको मेजर सम्मको पदमा पुगेका थापाले उमेर हकका कारण वि.सं २०३९ सालमा जागिरबाट अवकाश पाएका थिए । उनको निधनमा नेपाली सेनाले सलामी दिदै सम्मान प्रकट गरेको थियो ।

थापाले वृटिश र नेपाल आर्मीको गरि १४ वटा मान पदक, गोरखा दक्षिणबाहु, त्रिशक्तिपट्ट जस्ता सम्मान प्राप्त गरेका छन् । उनले वि.सं २०४१ सालमा निर्माण भएको चलचित्र ‘के घर के डेरा’बाट नेपाली चलचित्रमा अभिनय थालेका थिए । उनले ६ दर्जन चलचित्र, डेढ सय टेलिफिल्म र ५० भन्दा बढी विज्ञापनमा काम गरेका छन् भने आधा दर्जन भन्दा बढी गीतमा स्वर दिएका छन् ।

Related News

माईतीघर मण्डलामा १८ बर्षीय नुभिव उप्रेतीको हत्या प्रकरणका बारेमा शान्तीपुर्ण आन्दोलन तथा दिप प्रज्वलन
माईतीघर मण्डलामा १८ बर्षीय नुभिव उप्रेतीको हत्या प्रकरणका बारेमा शान्तीपुर्ण आन्दोलन तथा दिप प्रज्वलन
  • ३० जेष्ठ २०७५, बुधबार

न्यायको लागि शान्तीपूर्ण आवाज तथा दिप प्रज्वलन आज साझ माईतीघर मण्डलामा १८ बर्षीय नुभिव उप्रेतीको हत्या प्रकरणका बारेमा शान्तीपुर्ण आन्दोलन...

जनकलाल शर्मा स्मृति शतबार्षिकी भर्चुअल कार्यक्रम भव्यताका साथ सम्पन्न
जनकलाल शर्मा स्मृति शतबार्षिकी भर्चुअल कार्यक्रम भव्यताका साथ सम्पन्न
  • ३० जेष्ठ २०७५, बुधबार

बैशाख १७, २०७८ इलाम, क्याबुङ, क्याबुङ विकास प्रतिष्ठानको आयोजना तथा नेपाल प्रज्ञा प्रतिष्ठानको सहकार्यमा जनकलाल शर्मा स्मृति शतवार्षिकी भर्चुअल कार्यक्रम...

आयुर्वेद उद्योगलाई नयाँ उचाईमा पुर्याउन औषधी व्यवस्था विभाग र आयुर्वेद औषधि उत्पादक संघ बीच बिशेष छलफल
आयुर्वेद उद्योगलाई नयाँ उचाईमा पुर्याउन औषधी व्यवस्था विभाग र आयुर्वेद औषधि उत्पादक संघ बीच बिशेष छलफल
  • ३० जेष्ठ २०७५, बुधबार

 Namaraj Bhatta, Source: Healthnewsnepal काठमाडौं, २१ कार्तिक २०७७ नेपाल औषधि व्यवस्था विभाग र नेपाल आयुर्वेद औषधि उत्पादक संघ (AMPAN) बीच...

TOP