१७ श्रावण २०७८, आईतवार
August 1, 2021, Sunday

अभिनेत्री नम्रताले किन बनाइन् यस्तो लुक ?

अभिनेत्री नम्रताले किन बनाइन् यस्तो लुक ?

कमै चलचित्र अभिनय गर्ने अभिनेत्रीमा पर्दछिन् नम्रता श्रेष्ठ । प्रायः प्रेमकथा बिषयमा बनेका चलचित्रमा देखिने उनी मंगलबार भने फरक गेटअफमा देखिएकी छन् । उनी मंगलबार आयोजित चलचित्र ‘जाइरा’को प्रेस मिटमा फरक गेटअपमा देखिएकी हुन् ।

हाल पोष्ट प्रोडक्शनको काम भइरहेको ‘जाइरा’मा आफ्नो भूमिका मार्शल आर्ट खेलाडीको रहेकोले अहिलेको गेटअप बनाएको उनले बताइन् । उनले भनिन् ‘चलचित्रका लागि आफ्नो लोभलाग्दो कपाल समेत छोट्याए ।’ चलचित्रका लागि श्रेष्ठले आफ्नो ५१ किलो तौलबाट घटाएर ४३ केजी बनाएकी थिइन् । ‘सबै कुरा नेचुरल देखियोस् भनेर तौल घटाएँ, कपाल काटे, ६ महिना एक्सन सिकेँ’ उनले थपिन् ।

कार्यक्रमका चलचित्रका कलाकारलाई भूमिकाकै लुकमा प्रस्तुत गरिएको थियो । पोष्टर मार्फत कलाकारको लुक्स सार्वजनिक गर्ने परम्परा विपरित ‘जाइरा’ ले कलाकार मार्फतनै लुक सार्वजनिक गरेको हो ।

कार्यक्रममा नव अभिनेत्री सृजना रेग्मीको पनि खेलाडी भुमिका रहेको जानकारी दिइयो । रेग्मी पनि खेलाडी लुकमा नै कार्यक्रममा देखा परिन् ।

अनुपविक्रम शाही, रेमनदास श्रेष्ठ, प्रमोद अग्रहरी, सुजिता श्रेष्ठ लगायतको समेत मुख्य भूमिका रहेको चलचित्र १४ मंसिरबाट देशभर प्रदर्शनमा आउने कार्यक्रममा जानकारी दिइयो ।

आशुतोष राज श्रेष्ठ निर्देशित ’जाइरा’ एक्सन जनरामा निर्माण भएको छ । ट्रेन्ड सेटर्स र हाईलीहाईको ब्यानरमा निर्मित यसको कथा निर्देशक श्रेष्ठ आफैले लेखेका हुन् । प्रशन्न गोपाली कार्यकारी निर्माता रहेको ‘जाइरा’को स्क्रिप्ट निर्देशक श्रेष्ठ र निरोज महर्जनले तयार पारेका हुन् ।

कल्याण सिंह, डिजे राजु र टम्ब्लीविडको संगीत रहेको यो चलचित्रमा सम्राट बस्नेतको द्वन्द्व निर्देशन, केशव थापाको नृत्य निर्देशन छ ।

Related News

यसपालीको चलचित्र बिकास वोर्डकी अब्बल आवेदक
यसपालीको चलचित्र बिकास वोर्डकी अब्बल आवेदक
  • ९ जेष्ठ २०७५, बुधबार

यस पटक सञ्चार तथा सूचना प्रविधी मन्त्रालयले २०७७।०१।१६ गतै १५ दिनको म्याद राखि रिक्त रहेको अध्यक्ष पदको लागि आवेदन माग...

विकासबादी संगीतको चोथौ आयाम गीतांगको मीठो पानी
विकासबादी संगीतको चोथौ आयाम गीतांगको मीठो पानी
  • ९ जेष्ठ २०७५, बुधबार

विकासबादी साहित्य प्रतिस्ठानको प्रस्तुतिमा विकासबादी संगीतका अभियानता गायक द्रोण पराजुलीले आफ्नो मातुभूमि प्रति समर्पण गर्दै नयाँ गीत आफ्नो च्यानल मार्फत...

नेशनल पावर न्युज म्युजिक अवार्ड २०२० को मनोनयन सार्वजनिक
नेशनल पावर न्युज म्युजिक अवार्ड २०२० को मनोनयन सार्वजनिक
  • ९ जेष्ठ २०७५, बुधबार

काठमाण्डौ – नेपालको पहिलो समावेशी अवार्ड नेशनल पावर न्युज म्युजिक अवार्ड २०२० को मनोनयन सार्वजनिक गरिएको छ । पावर ईन्टरनेशनल...

TOP