२ कार्तिक २०७८, मंगलवार
October 19, 2021, Tuesday

रातारात हिट भएका साना गायक अशोक

रातारात हिट भएका साना गायक अशोक

झापाका नौवर्षे बालक अशोक दर्जी रातारात हिट भएका छन् । यतिबेला उनी सामाजिक सञ्जालहरूमा भाइरल भैरहेका छन् । उनको गायकीले युट्युबमा सनसनी मच्चाइरहेको छ । युट्युबमा आफ्ना गीत भाइरल भएपछि चर्चामा आएका अशोकको स्वरमा गायक टंक बुढाथोकीले समेत गीत रेकर्ड गराइसकेका छन् । मन ठूलो कि धन शीर्षकको उक्त गीतमा अशोकको गायन कला थप निखारिएको छ ।

युट्युबमा चर्चा भएसँगै अशोकको स्वरमा गीत रेकर्ड गराउनेहरूको होडबाजी मात्र चलेको छैन, उनको अनुहार देखाएर आफ्नो युट्युब च्यानलको प्रमोसन गर्नेहरूको ताँती नै लाग्यो । आफूलाई निर्धक्क प्रस्तुत गर्ने यी बालगायकका युट्युबमा अपलोड गरिएका अधिकांश भिडियो ट्ेरन्डिङमा परेका छन् । गायक टंक बुढाथोकीकै नाममा रहेको युट्युब च्यानलमा हालिएको ‘चर्चित अशोक दर्जीको पहिलो गीत मन बिनाको धन ठूलो कि धन बिनाको मन’ गत बुधबार सार्वजनिक गरियो ।

युट्युबमा भाइरल भएसँगै अशोकको भिडियो बनाउँदै पोस्ट गर्नेहरूको संख्या बढ्दो छ । नामै नसुनिएका च्यानलहरूले समेत अशोकलाई आफ्ना दर्शक बढाउने माध्यम बनाएका छन् । अशोक सामान्य परिवारमा जन्मिएका हुन् । युट्युबमा हिट भएकै कारण युट्युब च्यानलहरूको ध्यान उनीमाथि केन्द्रित भएको हो । दर्जीलाई प्रयोग गर्दै आफ्नो च्यानललाई हिट बनाउनेहरू यतिबेला उनको भिडियो खिच्न तानातान गरिरहेका छन् । बालगायक अशोक गायक हेमन्त रानाको ‘सुन साइँली’, बालगायक प्रेम परियारको ‘मर्ने कसैलाई रहर हुँदैन’, ‘यी आँखामा तिमी छौ’ जस्ता गीतका कारण बढी रुचाइएका हुन् ।

गीत गाउँदा शब्दको उच्चारणमा केही कन्फ्युज देखिने अशोकको शैली भने रोचक छ । विपन्न परिवारमा जन्मिएका अशोकले भविष्यमा सफल गायक बन्ने लक्ष्य लिएका छन् । बुवा विष्णु र आमा ललिताका एक मात्र छोरा अशोक झापाको दमकस्थित बेलडाँगी शरणार्थी शिविरमा गीत गाएर आफ्नो अनि परिवारका लागि दालभात जुटाउँछन् । केही महिनाअघिसम्म झापाका केही सहरमा सीमित उनको प्रतिभाले यतिबेला देशमा मात्र नभएर विदेशमा रहेका नेपालीहरूको समेत मन जितिरहेको छ ।

२ कक्षासम्म मात्र अध्ययन गरेका अशोकले आर्थिक अवस्थाकै कारण स्कुल जान छाडे, तर अहिले धेरैले सहयोग गर्ने वाचा गरेकाले पुन: स्कुलमा भर्ना हुने र संगीतसँगै अध्ययनलाई पनि अघि बढाउने अशोक बताउँछन् । उनका बुबा–आमा अरूको घरमा काम गर्छन् । जस्तोसुकै गीत पनि सहज तरिकाले गाउन सक्नु उनको खुबी हो । अन्य समय कुनै न कुनै क्रियाकलाप गरेर केटाकेटीपन देखाउने दर्जी जब गीत गाउन थाल्छन्, तब दत्तचित्त भएर गाउनमै मस्त हुन्छन् अनि एकपछि अर्काे गीत सुनाएर दर्शक–श्रोताको मन जित्न सफल हुन्छन् ।

उर्लाबारी फोकस टिभीले उनको प्रतिभा उजागर गर्ने उद्देश्यले एकल सांगीतिक कार्यक्रमसमेत प्रस्तुत गरेको थियो । उर्लाबारी क्षेत्रका प्रतिष्ठित व्यक्तिहरूलाई भेला पारेर सञ्चालन गरिएको उक्त कार्यक्रममा उनको प्रशंसा मात्र भएन, उनी भविष्यमा चर्चित गायक बन्न सक्ने भविष्यवाणीसमेत गरियो । उक्त अवसरमा उनलाई धेरैले सहयोग गर्ने घोषणासमेत गरे ।

 

Related News

यसपालीको चलचित्र बिकास वोर्डकी अब्बल आवेदक
यसपालीको चलचित्र बिकास वोर्डकी अब्बल आवेदक
  • ३ जेष्ठ २०७५, बिहीबार

यस पटक सञ्चार तथा सूचना प्रविधी मन्त्रालयले २०७७।०१।१६ गतै १५ दिनको म्याद राखि रिक्त रहेको अध्यक्ष पदको लागि आवेदन माग...

विकासबादी संगीतको चोथौ आयाम गीतांगको मीठो पानी
विकासबादी संगीतको चोथौ आयाम गीतांगको मीठो पानी
  • ३ जेष्ठ २०७५, बिहीबार

विकासबादी साहित्य प्रतिस्ठानको प्रस्तुतिमा विकासबादी संगीतका अभियानता गायक द्रोण पराजुलीले आफ्नो मातुभूमि प्रति समर्पण गर्दै नयाँ गीत आफ्नो च्यानल मार्फत...

नेशनल पावर न्युज म्युजिक अवार्ड २०२० को मनोनयन सार्वजनिक
नेशनल पावर न्युज म्युजिक अवार्ड २०२० को मनोनयन सार्वजनिक
  • ३ जेष्ठ २०७५, बिहीबार

काठमाण्डौ – नेपालको पहिलो समावेशी अवार्ड नेशनल पावर न्युज म्युजिक अवार्ड २०२० को मनोनयन सार्वजनिक गरिएको छ । पावर ईन्टरनेशनल...

TOP